EKONOMIA, HEADLINE, MUNISÍPIU, OÉ-CUSSE (RAEOA)

Waskita sei envolve Atoni-oan iha konstrusaun estrada Nítibe

Waskita sei envolve Atoni-oan iha konstrusaun estrada Nítibe

Jestór projetu hosi empreza internasionál PT Waskita Karya, Putu. Imajen Tatoli/Abílio Elo Nini.

OÉ-CUSSE, 03 agostu  2022 (TATOLI) – Jestór projetu hosi empreza internasionál, PT Waskita Karya, Putu,  promete sei envolve Atoni-oan sira nu’udar traballadór lokál iha konstrusaun estrada nasionál pakote I hosi sub-rejiaun Pante Makasar ba sub-rejiaun Nítibe iha Rejiaun Administrativa Espesiál Oé-Cusse Ambeno (RAEOA).

“Projetu ne’e ita sei presiza traballadór lokál, ami sei enolve Oé-Cusse oan, maibé ami sei koordena ho ami-nia tékniku sira atu presiza hira, maibé bazea orientasaun hosi prezidente autoridade RAEOA katak, sei presiza traballadór lokál barak, ne’ebé ami promete sei presiza bainhira atu hahú ona maka foin fó-sai informasaun katak ami presiza ema na’in-hira, daudaun ne’e seidauk bele,” Jestór Waskita Karya ne’e informa ba jornalista sira hafoin enkontru iha salaun Diresaun Rejionál Infraestrutura Oé-Cusse.

Prezidente Autoridade RAEOA, Arsénio Paixão Bano, hatete, nu’udar Oé-Cusse ona nia parte koordena ho empreza atu envolve mós traballadór lokál hosi Oé-Cusse atu serbisu iha projetu nasionál ne’e.

“Autoridade mós hatete, Oé-Cusse nia fatin no ambiente di’ak ba ema li’ur bele serbisu iha-ne’e, ita mós enkoraja empreza Waskita Karya atu ema barak mós bele serbisu iha projetu nasionál ne’e, no ha’u fi’ar katak ema barak sei partisipa iha projetu estrada ne’e,” nia katak.

Nu’udar Prezidente Autoridade RAEOA, orgullu Oé-Cusse oan tenke servisu hamutuk koopera ho autoridade hodi kontinua mellora prosesu dezenvolvimentu iha Oé-Cusse, atu hahú hadi’a ba futuru jerasaun.

Konstrusaun estrada ne’e ezekuta hosi empreza internasionál PT Waskita Karya, ho valór kontratu millaun $23, ho distánsia kilómetru 16 ne’ebé autoridade RAEOA prevee hosi Orsamentu Jerál Estadu (OJE) 2022 nian  ho durasaun servisu durante fulan 22.

Notísia relevante: Autoridade RAEOA-Waskita Karya diskute asuntu rua molok hahú projetu estrada Nítibe

Jornalista   : Abílio Elo Nini

Editór           : Evaristo Soares Martins

iklan
iklan

Leave a Reply

iklan
error: Content is protected !!