DESPORTU, HEADLINE, MUNISÍPIU, OÉ-CUSSE (RAEOA)

Kopa ZEESM, FC Fortaleza halakon FC Quariu 2-1 iha 16 finál

Kopa ZEESM, FC Fortaleza halakon FC Quariu 2-1 iha 16 finál

OÉ-CUSSE, 11 agostu 2022 (TATOLI) – Ekipa jogadór hosi FC Fortaleza halakon ekipa FC Quariu iha 16 ho rezultadu 2-1 iha eventu Kopa ZEESM, iha Rejiaun Administrativa Espesiál Oé-Cusse Ambeno (RAEOA).

Jogu 16 finál ne’e realiza iha kampu futeból Oébau, sub-rejiaun Pante Makasar, kuarta lokraik ne’e, ekipa jogadór klube FC Fortaleza ofisialmente lidera provizóriu hodi hakat ba 8 finál hafoin halakon ekipa jogadór sira hosi FC Quariu.

Jogu primeira parte hahú ho menutu 45, ekipa rua lansa kedas kontra-atake ba malu ho idak-idak nia tékniku no tátika jogu hodi hetan vitória.

Nune’e jogu to’o menutu 27, ekipa Fortaleza FC lansa dahuluk golu ida, liuhosi jogadór Emanuel Hornai, ho númeru kamizola 4, hadi hatur rezultadu 1-0.

Ho rezultadu ne’e halo ekipa jogadór hosi Quariu FC revolta fali ho esforsu tomak, to’o menutu 38, jogadór, João Correia, ho númeru kamizola 19, lansa golu ida, hodi hatuur rezultadu hanesan 1-1.

Jogu kontinua la’o ekipa rua esforsu atu gaña golu ruma, maibé laiha rezultadu, to’o termina jogu primeira parte iha minutu 45 nia laran, ekipa rua hatuur forsa hanesan alias 1-1.

Hafoin intervalu durante menutu 15, hakat fali ba jogu segunda parte, tempu hanesan mrnutu 45, ekipa FC Fortaleza nafatin hatudu vontade di’ak tanba maioria domina kampu no hatudu tátika ne’ebé furak, tanba jogu segunda parte la’o to’o menutu 13, Jogadór Matias Neisfo, númeru kamizola 9 lansa golu ida, hodi muda rezultadu sa’e ba 2-1.

Ho rezultadu ekipa FC Quariu, hatudu fali estratéjia foun hodi troka jogadór sira, ho estratéjia foun ne’e hatudu sinál iha menutu 25, liuhosi avansadu João Correia, ho númeru kamizola 19 konsege lansa ameasa ba FC Fortaleza maibé lakonsege tanba guarda metin.

Ho ameasa ne’e jogu kontinua la’o furak liután tanba ekipa rua lansa ameasa ba ba malu ba guarda sira, maibé nafatin laiha mudansa ruma.

Nune’e jogu segunda parte kontinua la’o to’o termina ho jogu segunda parte ho menutu 90, FC Fortaleza lidera provizóriu ho rezultadu 4-1 no ofisialmente hakat ba 8 finál, hodi hein jogu tuir mai hosi klubu FC Sta. Izabel kontra FC Bene-Ufe, sei joga iha loron kinta 11 agostu semana ne’e.

Maske derrota, maibé treinadór hosi ekipa jogadór Quariu FC, Juvinal Faria, orgullu tanba maibé ekipa rua hatudu jogu kualidade tanba nakonu ho amizade no disiplina durante iha kampu laran.

“Jogu ne’e iha lakon no iha manán, importante hatudu profisionál, ita haree jogu ohin la’o kapas no laiha problema, jogadór sira hatudu disiplina di’ak,” nia orgullu.

Nu’udar treinadór rekõnese fallansu hosi lakon, tanba jogadór sira maioria labarik idade ki’ik, no foin primeira-véz envolve iha kampu boot, nune’e nia parte sei koordena jogadór sira atu prepara kontinua treinu hodi partisipa tán iha eventu sira iha futuru.

Entretantu, durante jogu ho durasaun menutu 90 ne’e, lidera hosi árbitru, Rui da Costa, asistente dahuluk, Arlindo Soares, no asistente daruak, João Bosku Auni.

Jornalista : Abílio Elo Nini
Editór : Evaristo Soares Martins

iklan
iklan

Leave a Reply

iklan
error: Content is protected !!