DESPORTU, HEADLINE, MUNISÍPIU, OÉ-CUSSE (RAEOA)

FC São Rocky Banoko hakat ba 4 finál hasoru FC Sibuki

FC São Rocky Banoko hakat ba 4 finál hasoru FC Sibuki

OÉ-CUSSE, 15 agostu 2022 (TATOLI) – Ekipa jogadór hosi klubu FC São Rocky Banoko, provizoriumente hakat ba 4 finál hafoin halakon ekipa FC Amor Oébau B, iha 8 finál ho rezultadu 2-1 iha Kopa ZEESM iha Rejiaun Administrativa Espesiál Oé-Cusse Ambeno (RAEOA).

Jogu 8 finál ne’e realiza iha kampu futeból Oébau, sub-rejiaun Pante Makasar, iha domingu lokraik ne’e, ekipa FC São Rocky Banoko lidera provizoriamente sei hasoru tán ekipa FC Sibuki iha 4 finál ne’ebé sei akontese iha semana ne’e.

Jogu 8 finál ne’e hahú iha primeira parte ho menutu 45, ekipa rua lansa kedas kontra-atake ba malu ho idak-idak nia tékniku no tátika jogu hodi hetan vitória, maibé iha primeira parte ekipa rua hatudu forsa hanesan ho rezultadu 0-0.

Hafoin intervalu durante menutu 15, jogu kontinua hikas ba segunda parte ho tempu hanesan menutu 45, ekipa FC São Rocky Banoko kontinua bola kampu no nafatin hatudu vontade di’ak tanba maioria domina kampu no hatudu tátika ne’ebé furak.

Ho avontade ne’e jogu segunda parte la’o to’o menutu 10, jogadór João da Costa, númeru kamozila lansa 18 golu ida hodi hatuur rezultadu 1-0.

Rezultadu ne’e halo ekipa FC Amor Oébau B hatudu fali estratéjia foun hodi troka jogadór sira, estratéjia foun ne’e iha duni rezultadu, tanba jogu to’o menutu 23, jogadór Veaces Amarál, númeru kamizola 17 lansa golu ida, hodi hatuur rezultadu hanesan 1-1.

Rezultadu ne’e halo jogu kontinua rame liután, tanba ekipa ida-idak hatudu jogu furak atu gaña golu ruma maibé laiha mudansa ba rezultadu to’o termina jogu segunda parte ho rezultadu hanesan 1-1.

Tanba rezultadu hanesan, arbitru lori tán ekipa rua ne’e ba extra time menutu 30, kada menutu 15 troka fatin hodi buka vensedór iha jogu 8 finál hakat ba 4 finál.

Nune’e jogu iha primeira parte ho menutu 15 ekipa jogadór hosi FC São Rocky Banoko hatudu jogu furak tanba duir bola ho kalma no estratéjiku, to’o menutu 14, jogadór Rui Bobo, númeru kamizola 11 lansa tan golu ida hodi muda rezultadu sa’e ba 2-1, hodi lidera provizória iha jogu primeira parte ne’e.

Jogu kontinua ba segunda parte ho tempu hanesan menutu 15, ekipa FC Amor Oébau B hahú halo baralla jogu hodi esforsu to’o menutu 5, jogadór Junilo Pereira númeru kamizola 19, lansa amesa ba guarda FC São Rocky maibé lakonsege rezulta golu ruma.

Nune’e iha jogu segunda parte ne’e to’o termina ho tempu menutu 120, ekipa FC São Rocky Banoko lidera provizória ho rezultadu 2-1, hodi hakat ba 4 finál, sei hasoru tán ekipa FC Sibuki iha 4 finál sei akontese semana ne’e nia laran.

Nune’e, treinadór ekipa FC Amor Oébau B, Octaviano Kofitalan, rekoñese sira lakon tanba jogadór sira iis la to’o atu domina kampu.

“Ami lakon ne’e tanba jogadór sira mesak labarik, ita haree forsa ladún balansu tanba iis la t’o atu domina kampu boot, maibé ida-ne’e hanesan ita prepara sira atu tama kampu hodi kompete tán iha futuru sira bele toman ona, tán ne’e sira reprezenta ami-nia klubu ba B nian, ne’e mak ita haree maske lakon maibé ita agradese tanba jogu la’o di’ak to’o remata ho susesu no laiha problema,” nia orgullu.

Entretantu, durante jogu hahú hosi primeira no segunda parte to’o aumenta tán extra time ho durasaun menutu 120, lidera hosi árbitru, Arlindu Soares, asistente dahuluk, Benditu da Conçeição, no asistente daruak, Rui Manuel da Costa.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!