EKONOMIA, HEADLINE, MUNISÍPIU, OÉ-CUSSE (RAEOA)

RAEOA aloka rihun $261-resin reabilita estrada iha Lifau to’o Nunuhenu

RAEOA aloka rihun $261-resin reabilita estrada iha Lifau to’o Nunuhenu

Diretór Rejionál Infraestrutura RAEOA, Candido dos Reis Amaral. Imajen Tatoli/Abílio Elo Nini.

OÉ-CUSSE, 16 agostu 2022 (TATOLI) – Autoridade Rejiaun Administrativa Espesiál Oé-Cusse Ambeno (RAEOA) lideradu Arsénio Paixão Bano, aloka $261,676.32, hosi Orsamentu Jerál Estadu (OJE) 2022 hodi reabilita estrada rurál ho kilómetru 7 hosi suku Lifau, Lalisuk to’o Nunuhenu, suku Cunha , pertense sub-rejiaun Pante Makasar.

“Reabilitasaun hahú hosi Tula-Ika, suku Lifau, envolve aldeia Usapibela, suku Lalisuk sei to’o Nunuhenu, aldeia Noeninen, suku Cunha. Ida-ne’e estrada altervativa tanba bainhira udan monu rai akontese inundasaun estraga hotu estrada sira, entaun tinan ne’e ita hahú reabilita,” Diretór  Rejionál Infraestrutura, Candido dos Reis Amaral, ko’alia iha Oé-Cusse, tersa ne’e.

Nia afirma, reabilitasaun ne’e sei fasilita mós komunidade sira atubele asesu mai iha merkadu sira iha Oé-Cusse vila, liuhosi Ponte Noefefan.

“Tuir polítika autoridade katak, iha futuru zona ne’ebá sei sai ona urbana entaun autoridade tau mós iha prioridade,” nia afirma.

Projetu reabilitasaun ne’e ezekuta hosi empreza Lifau Indah Unipesoál Lda, ho valór kontratu $$261,676.32, ne’ebé Autoridade RAEOA aloka hosi Orsamentu Jerál Estadu (OJE) 2022.

Jornalista : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!