iklan

EKONOMIA, HEADLINE, MUNISÍPIU, OÉ-CUSSE (RAEOA)

Aban, Autoridade RAEOA lansa estrada nasionál Pante Makasar ba Nítibe

Aban, Autoridade RAEOA lansa estrada nasionál Pante Makasar ba Nítibe

Prezidente Autoridade RAEOA, Arsénio Paixão Bano. Imajen Tatoli/Francisco Sony.

OÉ-CUSSE, 18 agostu 2022 (TATOLI) – Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, fó-sai katak loron 19 agostu 2022, sei halo lansamentu ba estrada nasionál pakote I ho kilómetru 16 hosi ponte Noefefan, sub-rejiau Pante Makasar liga ba Oénunu, sub-rejiaun Nítibe.

“Hakarak informa ba públiku katak bazea kompromisu polítika autoridade nian lori dezenvolvimentu iha RAEOA ba suku sira, nune’e lansamentu reabilitasaun estrada nasional hosi ponte Noefefan, suku Lifau, sub-rejiaun Pante Makasar to’o Oénunu, suku Suniufe, sub-rejiaun Nítibe sei realiza iha loron 19 fulan-agostu tinan 2022, sei realiza serimónia iha aldeia Tulaika iha suku Lifau,” komunikadu imprensa ne’ebé Agência Tatoli asesu iha kinta ne’e.

Projetu reabilitasaun ne’e sei ezekuta hosi empreza internasionál PT. Waskita Karya, tán ne’e husu komunidade sira hosi suku Lifau, Taiboko, Suni-Ufe atu partisipa iha lansamentu refere hodi rona no hatene prosesu kona-bá dezenvolvimentu iha RAEOA.

Entretantu, distánsia konstrusaun estrada nasionál ne’e hamutuk kilómetru 16, ezekuta hosi empreza internasionál PT. Waskita Karya, ho kontratu millaun $23, ne’ebé autoridade RAEOA prevee hosi Orsamentu Jerál Estadu (OJE) 2022 ho durasaun serbisu durante fulan 22.

Notísia relevante: Autoridade RAEOA-Waskita Karya diskute asuntu rua molok hahú projetu estrada Nítibe 

Jornalista : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!