DILI, 02 setembru 2022 (TATOLI)—Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál, Falur Rate Laek, aprezenta difikudade patrullamentu ba Xefe Estadu.
Notísia Relevante: Komponente Navál presiza ró kontrola fronteira Tasi
Tenente Jenerál Falur atualiza situasaun atuál forsa ninian no mós asuntu krítiku sira iha F-FDTL nia laran no Prezidente Repúblika (PR) husu komandu nia opiniaun tanba iha tempu badak PR sei ba iha Austrália ne’ebá karik nia bele hatutan oinsá bele hamutuk hodi halo kooperasaun servisu hamutuk.
“Asuntu krítiku liu-liu kona-ba patrullamentu navál nian ita laiha (ró), ita-nia tasi boot agora manutensaun susar. Buat sira-ne’e hotu ne’ebé ita tenke halo oinsá koopera ho ita-nia nasaun viziñu hodi patrolla konjunta hamutuk ka modelu oinsá no kooperasaun konjuntu agora komesa hala’o ona kontinua hala’o nafatin,” Tenente Jenerál Falur hateten ba jornalista sira hafoin ramata enkontru ho Xefe Estadu iha Palásiu Prezidensiál Nicolau Lobato, Bairru Pite, sesta ne’e.
Governu Austrália sei apoiu ró rua ne’ebé sei mai Timor-Leste iha tinan 2023 iha jullu ne’e, nia parte ba halo lansamentu primeira pedra iha Perth.
“Foin daudaun iha fulan-jullu ha’u ba halo lansamentu primeiru pedra iha sidade Perth-Austrália ho kompañia fábrika ró ahi Austrália nian. Kona-ba portu navál daudaun parte Autrália mak halo daudaun,” nia informa.
Notisia Relevante: https://tatoli.tl/2022/03/30/portu-naval-hera-hahu-konstrui-ho-ateru-rai/
Jornalista : Nelson de Sousa
Editór : Cancio Ximenes
