iklan

EKONOMIA, BAUCAU, HEADLINE, MUNISÍPIU

Baucau Vila sei hahú PMOPA iha semana oin

Baucau Vila sei hahú PMOPA iha semana oin

Administradór Postu Administrativu Baucau Vila, Insencinio António da Silva. Imajen Agência TATOLI/Natalino Belo.

BAUCAU, 03 maiu 2023 (TATOLI) – Administrasaun postu administrativu Baucau Vila, tuir planu iha semana oin sei hahú implementa Programa Mão de Obra Postu Admistrativu (POMPA) faze dahuluk tinan 2023 nian.

Administradór postu administrativu Baucau Vila, Insencinio António da Silva, esplika, liuhosi reuniaun asembleia postu administrativu aprova ona proposta atividade PMOPA ne’ebé hato’o ona ba administrasaun munisipál Baucau atu hetan aprovasaun.

“Peidudu ami hatama ona hein akordu ho Prezidente Autoridade atu ita implementa ona programa,” Admistradór postu Baucau Vila hateten iha Sentru Konvensaun Baucau (CCB, sigla lortugés), kuarta ne’e.

Atividade ne’ebé sei implementa iha faze dahuluk bazea tuir matadalan hanesan reparasaun estrada eskala kiik, konservasaun bee-matan, limpeza jerál no kuda ai-oan ne’ebé nia objetivu atu rekupera ekonomia komunidade iha área rurál.

Tuir planu iha faze dahuluk sei utiliza uluk orsamentu pursentu 50 ho durasaun serbisu loron-20 ho involvimentu traballadór hosi kada suku na’in-20 hosi suku 11 iha postu administrativu Baucau vila.

“Mesmu loron efetivu 20 maibé la taka dalan atu aselera to’o loron-sanulu resin, tuir kondisaun iha terrenu,” Insencinio António da Silva akresenta.

Postu Baucau Vila sei hetan alokasaun orsamentu hamutuk rihun $100 ne’ebé aloka ba kustu operasionál rihun $5 no kustu atividade rihun $95 ne’ebé fahé ba suku 11 ho atividade faze rua no sei envolve traballadór hamutuk 931.

Totál orsamentu PMOPA ne’ebé aloka ba munisípiu Baucau tinan-2023 hamutuk rihun $600, kada postu admistrativu rihun hetan alokasaun $100 komposta kustu operasionál pursentu 5 no kustu atividade pursentu 95 no sei envolve traballadór informál hamutuk 5.588.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!