Top

Governu presiza hadi’a irrigasaun iha suku Sananain

Mota sobu moru irrigasaun Bulutu ne'ebé lokaliza iha postu administrativu Laleia, munisípiu Manatuto. Imajen/Simião da Costa.

MANATUTO, 17 maiu 2023 (TATOLI)—Administradór postu administrativu Laclubar, munisípiu Manatuto, Francisco Soares, hateten Governu presiza hadi’a no normaliza irrigasaun iha suku Sananain ne’ebé afeta hosi dezastre naturál ne’ebé akontese iha 04 abríl 2021 liubá ne’e.

“Irrigasaun ida iha suku Sananain mak foin lalais ne’e eskavadór hosi Ministériu Obra Públika nian mai hadi’a no hamoos ona, nune’e oinsá kanalizsaun bee nian ba natar. Maibé to’o agora seidauk bele funsiona, tanba parte relevante seidauk mai hadi’a,” nia hateten ba Agência Tatoli, liuhosi telefónika, kuarta ne’e.

Nia dehan, irrigasaun ida-ne’e antes funsiona no komunidade uza hodi halo natar maibé bainhira udan monu rai ne’e, bee-mota sobu tiha irrigasaun refere, nune’e to’o ohin loron labele funsiona no agrikultór sira labele halai natar.

“Ita hein eskavadór hosi MOP atu hadi’a no normaliza fali, nune’e bele funsiona hikas. Maibé ida-ne’e ha’u sei konfirma fila-fali ho xefe suku Sananain hodi relata. Nune’e, ita informa ba nasionál hodi bele hadi’a no normaliza atu ita-nia komunidade bele uza,” nia hateten.

Tanba, tuir nia, agrikultór xefe família besik 80 iha postu administrative Laclubar, munisípiu Manatuto ne’e hein hela atu hadi’a sira-nia irrigasaun, nune’e sira bele hala’o fali sira-nia atividade nu’udar agrikultór hodi halai natar iha tempu udan monu rai.

Jornalista : Osória Marques

Editór      : Cancio Ximenes

Publisidade

Leave a Reply

Latest Post

error: Content is protected !!