DILI, 30 maiu 2023 (TATOLI)—Diretór Jerál Solidariedade Sosiál no Inkkuzaun (MSSI), Florêncio Pina Dias Gonzaga, hateten MSSI rejista ona aplikante ba programa bolsa da mãe jerasaun foun to’o fulan-maiu 2023 ne’e hamutuk ema 43.137.
Notísia Relevante: MSSI estabelese komisaun diretiva pagamentu bolsa da mãe jerasaun foun
“Atualizasaun baze dadus rejistu bolsa da mãe jerasaun foun iha munisípiu hitu, to’o segunda (29 maiu 2023) horisehik, ekipa MSSI rejista ona aplikante hamutuk 43.137. Hosi ne’e, inan isin-rua hamutuk 7.280, labarik hosi idade 0-6 hamutuk 35.631 no labarik ho kondisaun defisiénsia hamutuk 166,” Florêncio Pina Dias Gonzaga hateten ba Agência Tatoli, iha nia kna’ar fatin Caicoli, Dili, tersa ne’e.
Hosi númeru ne’e, nia dehan, munisípiu Ainaro aplikante hamutuk 7.424 ho inan isin-rua 1.266, labarik idade 0-6 hamutuk 6.135, labarik kondisaun defisiénsia iha 23, Bononaro aplikante hamutuk 8.457 ho inan isin-rua 1.646, labarik ho idade 0-6 hamutuk 6.790 no labarik kondisaun labarik 21, RAEOA aplikante hamutuk 8.743 ho inan isin-rua 1.719, labarik ho idade 0-6 hamutuk 6.988 no labarik ho kondisaun defesiénsia 36.
Ba implementasaun faze daruak nian ne’e iha Covalima aplikante 5.239 ho inan isin-rua 842, labarik ho idade 0-6 hamutuk 4.377 no labarik ho kondisaun defisiénsia hamutuk 20, Liquiça aplikante hamutuk 5.647 ho inan isin-rua 817, labarik ho idade 0-6 hamutuk 4.809 no labarik ho kondisaun fíziku 21, Manatuto aplikante hamutuk 3.625 ho inan isin-rua hamutuk 521, labara ho idadeb 0-6 hamutuk 3.082 no labarik ho kondisaun defisiénsia 22 no Viqueque aplikante hamutuk 4.002 ho inan isin-rua hamutuk 479, labarik hop idade 0-6 hamutuk 3.500 no labarik ho kondisaun defisiénsia 23.
Tuir nia, dadus benefisiáriu hosi Ainaro, Bobonaro no RAEOA iha fulan-janeiru to’o fevereiru ne’ebé simu ona subsídiu ne’e hamutuk 22.663 22.663 ho nia osan hamutuk $922.475.
“Hosi totál benefisiáriu ne’e Ainaro hamutuk 5.565 ho nia osan $251.985, Bobonaro 6.052 ho nia osan $310.600 no RAEOA iha 11.046 ho nia osan $359.890. Ida-ne’e ba fulan janeiru ho fevereiru nian,” nia dehan.
Kona-ba fulan-marsu nian, nia dehan, sei iha prosesu instrusaun pagamentu nian ba benefisiáriu hamutuk 27.076 ho nia osan hamutuk $701.280, no ida-ne’e inklui mós ba munisípiu haat seluk ne’e.
Jornalista : Osória Marques
Editór : Cancio Ximenes
