iklan

NASIONÁL, DILI, HEADLINE, SAÚDE

Teste iha Austrália Ai-moruk Aspirin hosi India la kualidade

Teste iha Austrália Ai-moruk Aspirin hosi India la kualidade

Logo ministeriu saude

DILI, 07 agostu 2023 (TATOLI) Diretór Nasionál Farmasia no Medikamentu Ministériu Saúde (MS) Delfin da Costa Xavier Fereira, hateten ai-moruk aspirin 75mg ho kuantidade tablet 100 ne’ebé prodúz iha India konsidera la kualidade konforme rezultadu teste iha Austrália.

“Ai-moruk item lima ne’ebé ita haruka ba halo teste iha Austrália ne’e item haat mak di’ak ida mak falla”, diretór dehan ba Agência TATOLI iha edifisiu MS Caicoli, segunda ne’e.

Nia subliña, ai-moruk item lima ne’e mak hanesan Oxiytocin injectcion (OCIN) ho nia kuantidade ampoules 40 ne’ebé prodúz iha India ho rezultadu teste di’ak, Atenolol 50mg tablet ho kuantidade 100 tablet ne’ebé prodúz iha India ho rezultadu di’ak, Amplisilin Injection ho kuantidade Vials 40 prodúz iha Indonézia ho rezultadu di’ak, Bislol 5mg kuantidade tablet 84 prodúz iha Bangladesh di’ak no ikus liu Asprin75mg kuantidade 100 tablets ho produsaun iha India la di’ak.

“Ai-moruk ne’ebé rezultadu la di’ak ne’e tanba la tuir estandarte ne’ebé iha, entaun ami koordena ona atu rekolla iha sentru saúde hotu atu halo destroisaun tanba aimoruk ne’e loloos kura moras fuan nian”, nia dehan.

Governu buka meiu seluk atu hola fali ai-moruk asprin hosi Indonézia, ida India ne’e tenke kansela hodi halo análize no buka tuir ai-moruk ne’e to’o ona iha ne’ebé.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!