iklan

INTERNASIONÁL, DILI, HEADLINE, SAÚDE

Prezidente Horta alerta ba mundu hamutuk redúz risku NCD

Prezidente Horta alerta ba mundu hamutuk redúz risku NCD

Prezidente Repúblika, José Ramos-Horta. Imajen Tatoli/Francisco Sony.

DILI, 22 setembru 2023 (TATOLI) – Prezidente Repúblika Timor-Leste, José Ramos-Horta, husu ba nasaun hotu iha mundu atu servisu makas hodi bele redúz risku ba moras la hada’et sira (CNDs-sigla inglés) ne’ebé oho ona ema barak iha mundu.

“Nasaun sira atu servisu hamutuk hodi hamenus fatór rizku ba CDN sira, hadia, asesu ba kualidade kuidadu saúde no hametin sistema saúde sira”, tenik iha komunikadu ne’ebé Agência TATOLI asesu hosi Media Gabinete Prezidensia Repúblika (GPR), ohin.

Sorumutu ne’e hanesan faze daruak ne’ebé organiza hosi Grupu Mundiál Xefe Estadu no Governu ba Prevensaun no Kontrola Moras La-Hada’et sira.

Eventu ne’e hala’o iha sede Nasaun Unidas nian iha sidade Nova Iorke, Estadus Unidus Amerika (EUA), iha sesaun dala-78 Asembleia Jerál Organizasaun Nasaun Unidas (ONU).

Sorumutu ne’e prezide hosi Prezidente Ghana, Nana Addo Dankwa Akufo-Addo no Diretor-Jerál Organizasaun Mundiál Saúde, Tedros Adhanom Ghebreyesus.

Iha reuniaun ne’e foka liubá nesesidade asaun globál atu prevene no kontrola moras sira ne’ebé la-hada’et NCD, ne’ebé sai nu’udar kauza boot ba mate iha mundu tomak.

NCD inklui moras kardiovaskulár, kankru, diabetes no moras respiratóriu króniku.

Ida-ne’e kauza hosi kombinasaun fatór sira, inklui dieta ne’ebé la saudável, inatividade fízika, uzu tabaku no hemu tua ne’ebé estraga isin.

Sorumutu ne’e remata ho apelu ba asaun atu aselera prevensaun no kontrolu ba CDN sira.

Lider sira konkorda atu servisu hamutuk hodi dezenvolve no implementa estratéjia nasionál no globál sira hodi responde ba dezafiu saúde publika boot ida-ne’e.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!