iklan

EKONOMIA, BAUCAU, HEADLINE, MUNISÍPIU

Projetu reabilitasaun estrada rurál tinan 2022 iha Baucau seidauk atinje tuir tarjetu

Projetu reabilitasaun estrada rurál tinan 2022 iha Baucau seidauk atinje tuir tarjetu

Diretór Servisu Munisipál Obra Públika Baucau, Pedro Alexandre Guterres Pereira. Imajen Tatoli/Natalino Belo.

BAUCAU, 24 novembru 2023 (TATOLI) – Progresu projetu reabilitasaun estrada rurál tinan-2022 hamutuk pakote lima estrada rurál iha munisípiu Baucau seidauk atinje tuir tarjetu tanba durasaun kontratu besik finaliza ona.

Diretór Serbisu Munisipál Obras Publiku Baucau, Pedro Alexandre Guterres Perreira, esplika, problema ne’ebé kompañia hasoru iha terenu hanesan kontratu entre traballadór sai dezafiu ba implementasaun projetu nune’e halo prosesu reabilitasaun estrada paradu.

Alende ne’e, maioria kompañia menus esperiénsia kompañia iha área estrada rurál nune’e presiza hasa’e koñesementu liuliu tuir formasaun kona-bá jestaun no sistema estrada.

“Ita konsidera tarde tanba tinan ida ona, kompañia lokal sira presiza fó tán kbiit ba sira liuhosi treinamentu nune’e aumenta koñesementu,” Diretór Serbisu Munisipál Obra Públika Baucau hateten iha Vila Nova, sesta ne’e.

Kompañia lima mak sai manán-na’in ba projetu pakote lima refere komposta hosi kompañia Rozi Unip. Lda foin atinje pursentu 24.07 ne’ebé responsável reabilitasaun estrada iha área Laga ba Dailari ho kilómetru 2, projetu diresaun Bercoli ba Badumori kilómetru 2.3 responsável hosi kompañia Jormarjo Unip.Lda ne’ebé foin atinje pursentu 14.20.

Kompañia Mexa Unip.Lda foin pursentu 0.08, kompañia Jatono Unip.Lda foin antinje pursentu 3.2 no Db Ingrasia pursentu 18.43 responsável reabilita estrada diresaun iha postu Quelicai hosi suku Baguia, Lacoliu, Letemumu, Lelalai no Abulir ho totál distánsia kilómetru 6.55

“Ita koko nafatin bolu fó atensaun liuhosi enkontru avaliasaun kada fulan-tolu hanesan presiza hadi’a sistema, bainhira la koopera ho di’ak no ikus liu ita fo xamada atensaun,” Pedro Guterres akresenta.

Obra Públika Baucau rasik deside seidauk autoriza atu halo pagamentu ba kompañia tolu ne’ebé responsável ba projeitu pakote lima reabilitasaun estrada refere tanba seidauk atinje tuir persentajem serbisu tuir progresu iha terrenu.

Projetu pakote lima reabilitasaun estrada rurál tinan 2022 refere ho totál orsamentu hamutuk $2.100.560,48 ho total ho kilómetru 10.85 ne’ebé asina kontratu iha tinan 2022.

Jornalista  : Natalino Belo 

Editór        : Evaristo Soares Martins

iklan
iklan

Leave a Reply

iklan
error: Content is protected !!