DILI, 30 novembru 2023 (TATOLI)–Ministru Administrasaun Estatál (MAE), Tomas Cabral, hateten estabelesimentu sentru balkaun iha munisípiu Liquiça ne’e sei fó rendimentu ba Governu lokál.
“Tanba servisu ne’e abanbainrua fó rendimentu ba Governu lokál ne’e, agora rendimentu hotu-hotu konsentra iha nasionál mak munisipál la la’o. Tanba ne’e mak ohin haree ba oinsá finaliza hodi inaugural, nune’e bele utiliza. Sentru ida-ne’e lori atende komunidade, ita dehan katak lori governasaun besik komunidade mak ida-ne’e,” Ministru Tomas Cabral hateten ba jornalista sira, hafoin halo observasaun ba sentru balkaun iha Liquiça, kinta ne’e.
Balkaun úniku ne’ebé monta mak Governu tenke apoiu orsamentu makaas mai munisípiu sira, tanba lei finansa munsipál aprova katak orsamentu jerál Estadu (OJE) ne’e, 20% tenke ba munisípiu sira.
Nune’e, vizita ohin mai iha ne’e tanba hetan kontaktu hosi parseiru Programa Nasaun Unida ba Dezenvolvimentu (PNUD) no parseria prinsipál mak administrasaun munisípiu Liquiça.
“Tuir loloos balkaun úniku ami inaugura iha kle’ur tiha ona maibé tanba presiza materiál iha laran ne’e tenke materiál lokál mak bambú. Entaun, ita hela ho indústria bambú ne’e no sira mak fornese bambú ba balkaun úniku. Ha’u-nia enkontru ho liña ministeriáll sira liuliu ho Ministériu Justisa, katak iha fatin ida-ne’e sei iha imprime sertidaun, bilete indentidade, pasaporte, pagamentu ba dokumentu sira-ne’e, visa família nian, rejistu populasaun. No, koa’lia ona Ministru Transporte nian, nune’e karta konduzaun ka dokumentu karreta nian iha ne’e, nune’e bele apoiu servisu munisipál sira,” nia dehan.
Obejetivu prinsipál apoiu hosi PNUD no mós parseiru sira iha vontade para ajuda., tan ne’e mak iha Liquiça ne’e PNUD mak apoiu, Dili apoiu hosi Kámara Uniaun Sidade Kapital Lian Portugés (UCCLA-sigla portugés), ne’ebé finansiamentu hosi Uniaun Europeia maibé Governu servisu hamutuk ho PNUD.
Depois, tuir nia, hahú tan ho Baucau no Manatuto no sei la taka dalan ba munisípiu tolu seluk hanesan Bobonaro, Covalima no Manufahi, tanba ida-ne’e bele rezolve ho orsamentu Jerál Estadu ho di’ak.
“Tanba balkaun ida-ne’e doadór barak hakarak apoiu, nune’e prosesu aproviziomentu administrativu la’o lalais liu mak ita ho PNUD hodi ba dirasaun jerál ida, ne’ebé simplifika ba prosesu sei servisu hamutuk ho PNUD atu rezolve situsaun ida-ne,” nia dehan,
Membru Governu ne’e esplika, ministériu ne’e diraaaun ida hosi diresaun jerál hosi MAE ho servisu administrsaun sira fó asisténsia, maibé iha fatin ne’e sei hahú ho ministériu ne’ebé relasaun besik liubá povu mak ministériu justisa.
Jornalista : Osória Marques
Editór : Cancio Ximenes
