iklan

EKONOMIA, BAUCAU, HEADLINE, MUNISÍPIU

Funsionáriu kontratadu na’in-43 hosi Agrikultura Baucau serbisu ho voluntáriu

Funsionáriu kontratadu na’in-43 hosi Agrikultura Baucau serbisu ho voluntáriu

Diretór Serbisu Munisipál Agrikultura Baucau, Moisés Lobato Perreira. Imajen Agência TATOLI/Natalino Belo.

BAUCAU, 09 janeiru 2024 (TATOLI) – Maske kontratu remata ona iha loron 31 fulan-dezembru 2023 liubá, maibé funsionáriu kontratatadu na’in-43 hosi Serbisu Munisipál Agrikultura Baucau, kontinua presta servisu hodi hein desizaun ikus hosi Ministériu Admistrasaun Estatál (MAE).

Diretór Serbisu Munisipál Agrikultura Baucau, Moisés Lobato Perreira, esplika, funsionáriu hirak-ne’e kontratu remata ona iha loron-31 dezembru 2023 no oras ne’e kontinua serbisu voluntáriu hodi hein desizaun ikus hosi MAE.

Moisés Perreira hato’o ona pedidu ba Autoridade Admistrasaun Munisipál Baucau hodi buka solusaun tanba konsidera funsionáriu hirak-ne’e nu’udar tékniku inklui iha koñesementu no hatene ona mekanismu serbisu iha terrenu no administrasaun.

“Ita hato’o ona pedidu estensaun ba autoridade munisipál, liuliu tékniku sira maibé iha karta serkulasaun hosi MAE entaun to’o ohin loron seidauk iha estensaun ba kontratu,” Diretór Serbisu Munisipál Agrikultura Baucau hateten iha Vila Nova, tersa ne’e.

Hosi tótal funsionáriu hirak-ne’e kompostu kazuál na’in-13 hanesan apoia administrasaun na’in-ida no na’in-ualu seluk nu’udar tékniku pekuária, veterinária no bokadura hein odamatan kanál irrigasaun na’in-lima.

Agrikultura Baucau konsidera serbisu bokadura nian importante tanba kontrola odamatan kanál irrigasaun iha tempu udan nune’e bainhira laiha kontrola bele impaktu ba infraestrutura irrigasaun.

Nune’e mós funsionáriu ajente na’in-30 mos seidauk iha estensaun kontratu ne’ebé maioria sai operadór ba tratór hamutuk na’in-20 no ajente pekuária inklui tékniku veterinária.

“Impkatu boot tanba afeta ba funsionamentu serbisu agrikultura liuliu iha terrenu,” Moisés Perreira akresenta.

Jornalista  : Natalino Belo 

Editór        : Evaristo Soares Martins

iklan
iklan

Leave a Reply

iklan
error: Content is protected !!