iklan

EKONOMIA, BAUCAU, HEADLINE, MUNISÍPIU

Autoridade Baucau distribui envelope fiskál OJE 2024

Autoridade Baucau distribui envelope fiskál OJE 2024

Prezidente Autoridade Munisipál Baucau, Veneranda Eurico Marques Lemos Martins. Imajen Agência TATOLI/Natalino Belo.

BAUCAU, 22 janeiru 2024 (TATOLI) –  Autoridade Administrasaun Munisipál Baucau hahú distribui pakote fiskál Orsamentu Jerál Estadu (OJE) tinan 2024 ba kada diresaun no postu administrativu sira.

Prezidente Autoridade Munisipál (PAM) Baucau, Veneranda Eurico Marques Lemos Martins, esplika, estrutura munisípiu tomak hala’o sorumutu hamutuk hodi ko’alia kona-bá distribuisaun pakote fiskál hodi planeia ezekusaun Orsamentu Jerál Estadu (OJE) tinan 2024 nian.

“Ho orsamentu ezekuta ho di’ak sei sai baze ba munisípiu atubele halo planu ba tinan-2025 ne’ebé fo responde ba povu nia moris,” Prezidente Autoridade Munisipál Baucau hateten iha Vila Nova, segunda ne’e.

Veneranda Lemos, argumenta, prosesu ezekusaun ba munisípiu Baucau sai barrometru ba tinan oin nune’e bainhira ezekusaun tenke tuir duni nesesidade povu nia moris.

Estrutura autoridade munisipál Baucau sei aprezenta planu serbisu tuir kada área hanesan diretór serbisu munisipál hotu no administradór postu admistrativu sira nune’e bainhira ezekusaun ho responsabilidade no kualidade.

“Ha’u fiar katak kada diretór sira iha kapasidade atu ezekuta OJE 2024,” Veneranda Lemos akresenta.

Orsamentu 2024 aloka bazea ba planu asaun anuál ne’ebé kada liña ministeriál sira, diretór munisipál iha autoridade inklui postu administrativu hotu mak sai implementadór.

Tótal orsamentu jerál estadu tinan-2024 ne’ebé aloka ba munisípiu Baucau hamutuk $9,456.741 ne’ebé fahe kategoria saláriu no vensimentu, bens no serbisu, transferénsia públika, kapitál menór no kapitál dezenvolvimentu.

Hosi montante orsamentu $9,456.741 ne’e koloka ba saláriu no vensimentu $2,232.281, bens no servisu $725.907, transferénsia públika $4,607.366, kapitál menór $165.300 no kapitál dezenvolvimentu 1,725.887.

Notisia relevante: Autoridade Bobonaro fahe envelope fiskál 2024 ba diresaun 10 no postu neen

Jornalista   : Natalino Belo

Editór         : Evaristo Soares Martins 

iklan
iklan

Leave a Reply

iklan
error: Content is protected !!