iklan

EKONOMIA, BAUCAU, HEADLINE, MUNISÍPIU

DSMTP Baucau hatama reseita $1.000 bá kofre estadu

DSMTP Baucau hatama reseita $1.000 bá kofre estadu

Osan dolar amerikanu. Imajen/Espesiál

BAUCAU, 19 fevereiru 2024 (TATOLI) – Diresaun Serbisu Munisipál Terras Propiedade (DSMTP) Baucau iha inísiu tinan-2024 rekolla reseita hamutuk $1.000 hodi hatama bá kofre estadu.

Diretor DSMTP Baucau, Amon Bernardino da Costa Correia, esplika, reseita hirak-ne’e rekolla liuhosi kontratu arredamentu nune’e iha fulan-janeiru, reseita ne’e mai hosi aluga uma no rai estadu hanesan otel pouzada, rezidénsia no atividade negósiu.

“Maioria reseita mai hosi utiliza ba rezidénsia no negósiu,” Diretór DSMTP hateten iha Vila Nova, segunda ne’e.

Reseita hirak-ne’e maioria rekolla pursentu aas iha postu administrativu Baucau Vila kompara ho postu administrativu lima seluk.

DSMTP Baucau realiza kontratu ho komunidade hanesan utiliza rai no uma estadu hamutuk 178 maibé iha xefe família 40 mak hetan notifikasaun tanba komunidade seidauk kumpri kontratu ho parte DSMTP Baucau.

Amon Correia, informa, difikuldade ne’ebé durante ne’e enfrenta mak menus rekursu umanus no finansiamentu inklui fasilidade hanesan transporte no komputadór, maske nune’e, DSMTP Baucau hato’o ona ba nasionál no to’o agora seidauk hetan resposta ruma.

Totál funsionáriu ne’ebé halao servisu iha DSMTP Baucau hamutuk na’in-14, komposta hosi permanente na’in-neen no kontratadu na’in-ualu, maibé na’in-12 mak ativu servisu no rua seluk tanba kondisaun saúde.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!