iklan

BOBONARO, HEADLINE, MUNISÍPIU, SAÚDE

MS fó advokasia asuntu saúde bá líder relijiozu iha Bobonaro

MS fó advokasia asuntu saúde bá líder relijiozu iha Bobonaro

Ministériu Saúde fó hela advokasia ba líder relijozu sira kona-bá programa advokasia Integradu saúde. Imajen Tatoli/Sérgio da Cruz.

BOBONARO, 22 fevereiru 2024 (TATOLI) – Ministériu Saúde (MS) realiza programa avokasia integradu saúde inan ho oan, imunizasaun ba labarik, nutrisaun, aaneamantu, ijene no vasinasaun Covid-19 prevensaun ba moras tempu udan ba líder relijiozu hanesan Katólika, Musulmanu no Protestante sira iha munisípiu Bobonaro.

Reprezentante hosi Ministériu Saúde, Bendonima Araújo, relata atividade refere hanesan meiu koordenasaun ida atu nune’e líder rejiliozu sira bele hatutan informasaun saúde ba komunidade sira liuhosi misa no atividade sira seluk tán.

“Ita-nia objetivu ida mak hakarak nune’e ita hotu objetivu ida hodi fahe informasaun ne’ebé hanesan ba ita-nia komunidade, tanba bazeia ba surey bainhira Covid akontese hatudu katak komunidade, ema barak liu rona infomasaun liu ema-ne’ebé sira fiar hanesan líder lokál no relijiozu sira,” nia hateten iha salaun Povedoria Diretus Humanu no Justisa (PDHJ), delegasaun territoriál Maliana.

Diretór Servisu Munisipál Saúde Bobonaro, Gíl Bernardo Vicente, espera parte relijiozu bele partilla informasaun hirak-ne’e atubele luta ba sosiedade nia moris di’ak no saudável.

“Ita servisu hamutuk nune’e molok hahú misa hato’o netik informasaun ida rua tanba dadaun ita-nia kazu dengue númeru sa’e maka’as kuaze 70-resin, kolera no chikungunya. Ami husu nafatin ita hotu akompaña informasaun sira-ne’e, fila karik hatutan ba komunidade sira, ita espera ho servisu hamutuk ida-ne’e moras ne’ebé númeru aas bele tun,” nia dehan.

Prezidente Komisaun Diosezanu Pastorál Família, Pé Agusto Campos, agradese no prontu koopera ho governu atu informasaun saúde ne’e bele to’o hotu sarani sira-nia tilun hodi bele konsiensializa sira prevene-aan hosi moras ne’ebé fó perigu ba ema-nia vida.

“Ami mós iha servisu ne’ebé liga direita ho família sira no servisu ida liga liu ba parte saúde família nian, liuhosi formasaun bele tulun ami oinsá bele hatutan buat hirak-ne’e ba iha ami-nia pastorál,” Amu lulik ne’e fó hanoin.

Notísia relevante: MSITL fasilita formasaun bá pesoál saúde Bobonaro

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!