iklan

NASIONÁL, EDUKASAUN, HEADLINE

ME distribui livru manuál 75.642 ba estudante sira

ME distribui livru manuál 75.642 ba estudante sira

Livru sira iha EBC Boboloa, tau de'it iha rai tanba laiha Biblioteka. Imajen Tatoli/Abílio Elo Nini.

DILI, 22 fevereiru 2024 (TATOLI)-Koordenadór Gabinete Unidade Kurríkulu hosi Ministériu Edukasaun, João Maupelu hateten, ekipa tékniku hosi Ministériu Edukasaun (ME), iha semana kotuk liubá, distribui ona livru manuál ba estudante terseiru siklu sira hamutuk 74.642 ba iha territóriu Timor-Leste.

“Livru manuál do aluno ne’e ba terseiru siklu. Livru ne’e tinan kotuk nian mak ita fahe tanba sei barak no ita fahe ba eskola ne’ebé presiza mak hamutuk 75.642, ida-ne’e ita fahe ona,” nia informa ba Agência Tatoli, iha servisu fatin , Villa-Verde, Dili, kinta ne’e.

Notísia Relevante :ME Hahú Distribui Livru Rihun 200 Resin

Nia esplika hosi totál livru manuál 75.642 ne’e konsege distribui ba munisípiu Aileu iha EBC no EBF hamutuk 19 ho totál livru 4.389, munisípiu Ainaro ho totál livru 6.006 ne’ebé maka distribui ba EBC no EBF hamutuk 26, Baucau ho totál livru 8.778 ne’ebé distribui ba  EBC ho filiál 38.

Nune’e mós halo distribuisaun bá iha munisípiu Bobonaro ho totál livru 6.930 ne’ebé maka distribui ona ba EBC ho ninia Filiál hamutuk 30, Covalima  ho totál livru 5.544 ba EBC ho EBF 24, Dili ho toál livru 8.883 ba EBC ho Filiál 39, iha Ermera distribui livru hamutuk 6.006 ba EBC ho Filial 26, Lautém ho totál livru 5.082 ba EBC ho ninia filiál 22, Liquiça ho totál livru 3.234 ne’ebé maka distribui ona ba EBC ho ninia filiál 14.

No ikusliu,  distribui ba iha munisípiu Manatuto ho totál livru 5.313 ba EBC ho Filiál 23, Manufahi ho totál livru hamutuk 4.620 ne’ebé maka distribui ona ba iha EBC ho Filiál 20, Rejiaun Administrativa Espesiál Oé-cússe Ambeno (RAEOA) ho totál livru 4.851 ba EBC ho filiál 21 no iha munisípiu Viqueque ho totál livru 6.006 ba EBC ho filiál 26.

Diretór ne’e hateten kona-ba livru instrusaun tékniku prensimentu kaderneta ba primeiru no segundu siklu hamutuk 1.300 iha ne’ebé kada munisípiu hetan livru 100. No tuir planu ekipa tékniku sira iha tempu badak sei distribui tan livru disiplina terseiru siklu nian hamutuk 5.838 bá munisípiu hotu-hotu.

“Matéria terseiru siklu nian mak matemátika, kompeténsia para vida umana no para traballu, siénsia sosiál no naturais, edukasaun sívika no sidadania, direitu umanu, edukasaun artetístika, edukasaun fízika no tetúm,”nia hateten.

Notísia Relevante :Eskola Nikolau Lobato menus livru matéria

Jornalista : Osória Marques

Editór      : Agapito dos Santos

iklan
iklan

Leave a Reply

iklan
error: Content is protected !!