Ai-moruk item 65 estoke mamuk iha HoREX Baucau
BAUCAU, 15 marsu 2024 (TATOLI) – Ai-moruk hamutuk item 65 estoke mamuk iha Hospital Rejionál Eduardo Ximenes (HorEX, sigla portugés).
Diretór Apoiu Diagnóstiku HoREX Baucau, Francisco Armando, esplika, hosi númeru refere hahú estoke out hosi fulan-fevereiru kompostu konsumável item 46 no la’ós konsumável item 19.
“Ita-nia item ne’e hamutuk hotu kuaze 400-resin, maibé foin daudaun fevereiru to’o agora ita iha item 65 mak stock out,” Diretór Apoia Diagnóstika HoREX Baucau hateten iha Vila Nova, sesta ne’e.
Hosi item 46 ai-moruk konsumável ne’ebé stoke out mak hanesan, tablet acetylsalycic acid 100 mg, antacida 500 mg, azytromicin 500 mg, amoxicillin 500, buscopan 10 mg.
Alende ne’e, bisacodil 5 mg, captoril 25 mg, ceficime 400 mg, digoxim 250 mg, folic acid 1 mg, hidroclorotiazida 25 mg, Metoclopramide 10 mg, multivitamin, metronidazole, ibuprofen no seluk tan.
Enkuantu komsumável kompostu stomach tube, blade scalpel, nylon monofilament, cannula, chateter, masker, syringe 10 cc, syringe 5 cc no seluk tan.
“Ibuprofen laiha ita fó fali paracetamol, seluk laiha ita fó reseita ba sosa iha klínika, ne’ebé atendimentu la’o hela,” Francisco akresenta.
Jornalista : Natalino Belo
Editór : Evaristo Soares Martins
