iklan

EKONOMIA, BAUCAU, HEADLINE, MUNISÍPIU

MTK Baucau monitoriza presu foos iha merkadu normál

MTK Baucau monitoriza presu foos iha merkadu normál

Xefi Servisu Munisipál Turismu no Komérsiu Baucau, Sabino dos Santos Oliveira. Imajen Agência TATOLI/Natalino Belo.

BAUCAU, 03 abríl 2024 (TATOLI) – Servisu Munisipál Turismu Komérsiu (MTK) munisípiu Baucau, halo monitorizasaun ba presu foos oras ne’e normal hela iha merkadu Baucau.

Xefe Servisu Munisipál Turismu Komérsiu Baucau, Sabino dos Santos Oliveira, rejeita no konsidera informasaun falsa iha mídia katak folin foos iha munisípiu Baucau sa’e tanba nu’udar espekulasaun, maibé realidade liuhosi inspeksaun direita ba loja sira folin kontinua normál ne’ebé entre hosi $10 to’o $20 ho marka ne’ebé diferente.

“Ami foin halo ona observesaun foti dadus direitamente foos folin nafatin de’it,” Xefe Servisu Munisipál Turismu Komérsiu Baucau hateten iha Vila Nova, kuarta ne’e.

Hosi rezultadu inspesaun iha terrenu ne’ebé ekipa MKI Baucau halo iha loja hotu ne’ebé fa’an iha sidade hanesan Vila Nova no Vila Antiga hanesan loja Roman grigio, Sila-Bau Indah, Domin Star, Andi Makmur, Fidbama, Uma-kain, Boten-up, Misterius, Mateus, Palapa no Sumber Laris.

Entre loja sira refere maioria fa’an ho folin hanesan ho marka ne’ebé hanesan inklui diferente maibé hosi inspeksaun úniku foos marka folsom mak folin aas tanba konsidera kualidade maibé variante hanesan kilograma 15 ho folin $ 15, kilograma 20 ho folin entre $19.50 to’o $20.

“Ha’u haree uluk kedas folsom nee folin aas, tanba haree ba nia kualidade nune’e folin sa’e mos ema sei ba sosa nafatin,” Sabino Oliveira akresenta.

Sabino Oliveira husu, ba komunidade iha Baucau liuliu atu labele pániku ba folin foos no governu kontinua garante estoke foos iha armazein inklui iha kada distribuidór sira-ne’ebé hala’o atividade negósiu fa’an foos.

Tuir dadus ne’ebé MTK Baucau rekolla iha loron-kuarta, 03 abríl loja sira iha Baucau, komposta hosi foos ho marka tuna ho kilograma 25 maioria fa’an ho folin entre $16.50 to’o $17.50, beruang merah kilograma 20 ho folin $14.50, manu vitoria kilograma 25 ho folin $ 18.50.

Foos marka gostu los kilograma 25 ho folin $18.50, columbia kilograma 25 ho folin $17.50, ikan mas kilograma 25 ho folin $17.50, mama cantik kilograma 15 ho folin $14.25, Perfecto kilograma 25 ho folin $19.75, Takes kilograma 20 ho folin $16.25.

Enkuantu beras harum kilograma 25 ho folin $19.75 , beras wangi kilograma 10 folin $10.50, mangko merah kilograma 20 folin $18.75, folsom kilograma 15 folin $15.00 no kilograma 20 ho folin $19.50, kuda ulun kilograma 15 folin $14.75, makikit kilograma 25 folin $17.50, raja wali kilograma 20 folin $14.00, amor de família kilograma 25 folin $17.50, nona manis kilograma 25 folin $ 18.50 no organic kilograma 25 folin $20.

Notísia relevante: Foos subsídiu la sufisiente distribui to’o suku sira iha Baucau

Jornalista : Natalino Belo

Editór : Evaristo Soares Martins

iklan
iklan

Leave a Reply

iklan
error: Content is protected !!