iklan

EKONOMIA, HEADLINE

OJE 2024: SERVE ezekuta porsentu 11 iha trimestre dahuluk

OJE 2024: SERVE ezekuta porsentu 11 iha trimestre dahuluk

Diretór Ezekutivu SERVE, I.P, Florêncio da Costa Sanches. Imajen TATOLI/Francisco Sony

DILI, 06 maiu 2024 (TATOLI) – Diretór Ezekutivu  Servisu Rejistu no Verifikasaun Emprezariál, Institutu Públiku (SERVE, I.P), Florencio Sanches, dehan hosi institute ezekuta ona Orsamentu Jerál Estadu (OJE) 2024, iha janeiru to’o marsu, hamutuk rihun 200 ka porsentu 11.

“Trimestre dahuluk ne’e, ita ezekuta ona Orsamentu Jerál Estadu (2024 ) hamutuk 200 mill ka porsentu 11, ida-ne’e ba saláriu no vensimentu de’it”, Florencio Sanches informa ba TATOLI iha nia kna’ar fatin Matadoru, ohin.

Nia afirma, ezekusaun ne’ebé kiik tanba problema rekursu umanus ne’ebé menus hodi implika ba atividade sira ne’ebé mak SERVE iha.

“Normalmente tama ona fulan-Maiu, ita tenke ezekuta ona ba 40 % maibé to’o agora ita foin ezekuta de’it porsentu 11 tanba atividade sira ne’ebé mak iha, ita la halo, tanba ita hotu hatene rekursu umanus laiha no ha’u fiar katak iha tempu badak nia laran, ita sei ezekuta orsamentu sira ne’e”, nia informa.

Nia dehan, Governu Prevee OJE 2024 ba SERVE ho montante hamutuk $2,195.838.00.

“Totál orsamentu ne’ebé ita hetan hamutuk millaun $2.1 ba tinan ida-ne’e, entaun husi ne’e  ezekuta ba saláriu no vensimentu, bens servisu, kapitál menór, inklui manutensaun ba AC, manutensaun ba karreta no selu ba liña eletresidade”, nia afirma.

Tuir portál transparénsia ne’ebé TATOLI asesu katak dezde janeiru 06 maiu, orsamentu alokadu ba SERVE hamutuk $2,195.838.00, nia atinje ona 12,3% hanesan kompromisu sira $3,894.00, obligasaun sira $.00, atuál $270,708.50 no saldo $1,921,235.50.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!