EDUKASAUN, BAUCAU, HEADLINE, MUNISÍPIU

Eskola sia iha Baucau seidauk finaliza projetu PKRE

Eskola sia iha Baucau seidauk finaliza projetu PKRE

Diretór Servisu Munisipál Edukasaun Baucau, Afonso dos Santos Freitas. Imajen Agência TATOLI/Natalino Belo.

BAUCAU, 09 juñu 2023 (TATOLI) – Eskola sia iha munisípiu Baucau to’o agora seidauk finaliza projetu hosi Programa Konstrusaun no Reabilitasaun Eskolár (PKRE) faze daruak.

Eskola sia ne’ebé seidauk finaliza kompostu pre-eskolár Haudere, pre-eskolár Lebenei iha postu Baguia, pre-eskolár Abulir, EBF primeiru no segundu siklu, EBF Sarabata, Eskola Sekundária Laisorulai postu Quelicai, EBF Uaimanuboe postu Venilale, pre-eskolár Buibau, no Eskola Sekundária Aubaca.

Husi projeitu PKRE hamutuk 11 ne’ebé implementa iha Baucau meadu tinan-2024 foin finaliza eskola rua hanesan Eskola Sekundária Jerál númeru 01 Vila Nova no Edukasaun pre-eskolár Bercoli, postu Venilale.

“Projetu daudaun kontinua la’o, maibe ita-nia problema mak transporte nune’e ita la ba haree,” Diretór Serbisu Edukasaun Munisipál Baucau, Afonso dos Santos Freitas hateten iha Vila Nova, sesta ne’e.

Projeitu 11 referida implementa husi grupu komunitária hamutuk 11 no hetan monitorizasaun husi Serbisu Munisipál Edukasaun ho durasaun kontratu fulan-neen.

Grupu implementadór sira antes ne’e tuir formasaun kona-ba matadalan implementasaun projetu husi Diresaun Nasionál Parke Eskolár Ministériu Edukasaun.

“Laos redús liu maibe eskola 10 ne’e ita bele minimiza ona preokupasaun,” Afonso Freitas akresenta.

Munisípiu Baucau iha tinan-2023 implementa projeitu PKRE faze daruak  hamutuk eskola 11 kompostu pre-eskolár lima, ensinu báziku tolu no ensinu sekundária jerál tolu.

Totál orsamentu ba projetu 11 ne’e milaun $1.2 ne’ebé aloka ba eskola 10 konstrusaun foun no eskola ensinu sekundária númeru 01 Baucau Vila mak halo reabilitasaun hanesan kakuluk no sala profesór.

Jornalista    : Natalino Belo 

Editór          : Evaristo Soares Martins

iklan
iklan

Leave a Reply

iklan
error: Content is protected !!