iklan

EKONOMIA, HEADLINE

Empreza Xineza hakarak investe iha protesaun ambientál-enerjia renovavél

Empreza Xineza hakarak investe iha protesaun ambientál-enerjia renovavél

Prezidente Repúblika, Jose Ramos-Horta, hala'o enkontru ho Delegasaun Emprezariál husi Xina. iha Palásiu Prezidensiál, Bairru-Pité, segunda (10/06). Imajen Tatoli/Egas Cristóvão

DILI, 10 juñu 2024 (TATOLI) – Prezidente Repúblika, José Ramos Horta, segunda ne’e, simu delegasaun husi Empreza Change Carbon Trading husi nasaun Xina  ne’ebé hakarak investe iha Timor-Leste iha área protesaun ambientál.

“Empreza ne’e númeru ida iha Xina, sira hakarak tebes atu halo investimentu iha ita nia nasaun kona-bá protesaun ambientál no enerjia renovavél. Ida ne’e mak ohin ha’u lori sira mai hasoru Prezidente Repúblika hodi ko’alia direta ho sira,” Embaxadór Timor-Leste ba Xina Loro Horta katak ba jornalista sira hafoin termina reuniaun ho Xefe Estadu.

Prezidente Repúblika, Jose Ramos-Horta, hala’o enkontru ho Delegasaun Emprezariál husi Xina. iha Palásiu Prezidensiál, Bairru-Pité, segunda (10/06). Imajen Tatoli/Egas Cristóvão

Nia dehan, Timor-Leste iha problema ambientál barak ho nune’e investiemntu ne’ebé Xina hakarak halo iha Timor-Leste importante tebes, oinsa halo reflorestasaun no seluk tan nebé bele fó mós reseita ba Estadu.

Diplomata timoroan iha Xina ne’e hatete, durante hala’o misaun iha ira Repúblika Populár Xina lakoi lakon tempu ba empreza ne’ebé kiik atu mai bosok Timor-Leste atu hala’o investimentu maibé ikus halai lakon.

“Durante hala’o misaun iha ne’ebá ha’u la koi lakon ha’u nia tempu atu ba ko’alia ho kompañia sira ne’ebé kiik ne’e, maibé ha’u ba hasoru direita kompañia sira boot nune’e iha duni seriedade atu mai halo investimentu iha ita nia nasaun,” nia tenik.

Nia mós durante ne’e ko’alia ona ho tékniku agrikultór sira husi Xina atu mai apoiu Timor-Leste iha setór agrikultura liliu produsaun tabaku ne’ebé lokaliza iha Munisípiu Liquiça.

“Hakarak informa ba públiku katak iha projetu ida ne’ebé empreza naran Timor Tabaku halo ona plantasaun tabaku iha Liquiça, sira mós halo ona konstrusaun fabrika tabaku nune’e bele exporta ba liur, nune’e espesialista área agrikultura husi Xina mai ona Timor-Leste fó ona treinamentu ba ema timor oinsa bele hatene kona-ba prosesu tabaku ho kualidade nune’e bele exporta fali ba Xina. Ha’u nia misaun mak ne’e atu dada tan investór Xina sira mai halo negósiu iha ne’e hatama osan ba Estadu,” Loro tenik.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!