EKONOMIA, HEADLINE

Konsultór hosi Portugal disponibiliza formasaun ekonomia azul ba lideransa sira

Konsultór hosi Portugal disponibiliza formasaun ekonomia azul ba lideransa sira

Foto Grupu Gabineti Fronteira Tereste i Marítima, realiza formasaun ba reprezentante liña ministériu sira kona-ba "Liderança aos principais envolvidos em economia azul" iha Salau Ministériu Finansas, segunda (20/06). Imajen Tatoli/Francisco Sony

DILI,10 juñu 2024 (TATOLI) – Konsultór hosi Portugal fó formasaun kona-ba ekonomia azul ba lideransa sira, atu fó importánsia hodi proteje ambiente iha Timor-Leste.

“Ekonomia azul ida-ne’e importante tebes ba Timor-Leste partikularmente ba lideransa sira, atu prepara sai jente ba ekonomia no feramenta esensiál hodi implementa no dezenvolve ekonomia azul, tanba ekonomia azul hanesan dezenvolvimentu sustentável no ekonomia inkluiziva hodi promove ambiente sira ne’ebé mak iha”, Konsultór espesialista Ekonomia Azul Álvaro Sardinha informa ba jornalista sira iha Auditoriu Ministériu Finansas Aitarak laran, ohin.

Nia dehan, programa espesializasaun no lideransa iha ekonomia azul ne’e ho objetivu atu utiliza no aproveita poténsia ekonomia sosiál no ambiental hosi rekursu akuátiku ho forma ida sustentavel  no rejenerativa liuhosi formasaun ba ema ho koñesimentu feramenta fundamentál sira.

“Programa espesilazasaun no lideransa iha ekonomia azul inspiradu hosi pilár boot tolu hosi dezenvolvimentu sustentavel nian mak sosiál, ekonomia no ambientál”, nia afirma.

Iha fatin hanesan, Diretora Operasionál ba Gabinete Fronteira Terrestre no Marítima, Helena Araujo, esplika espesialista ekonomia azul hosi portugal mai fó formasaun ba lideransa ka pontu vogál sira kona-ba ekonomia azul no importánsia sira, oinsá atu proteje ambiente iha Timor-Leste.

“Ohin loron ita hamutuk iha ne’e ho espesialista ekonomia azul hosi portugal, fó formasaun kona-ba espesializasaun lideransa ba ekonomia azul, entaun fó formasaun ida-ne’e fó ba ita-nia pontu vogál hosi membu Governu sira durante loron tolu nia laran”, Helena Araujo dehan.

Nia afirma, formasuan ida-ne’e importante tebes ba Timor-Leste atu bele kria planu estratéjiku sira ne’ebé mak sustentavel.

“Espesialista ekonomia azul ida-ne’e mai ita-nia rain atu partisipa mós loron mundiál oseanu  ne’ebé mak foka liubá ita-nia empreza nasionál, ha’u-nia tasi ha’u-nia timor ne’ebé implementa hosi Gabinete Fornteira Terestre no Marítima no ita mós kolabora hamutuk ho Ministériu Turizmu Ambiente”. nia konklui.

Jornalista : Felicidade Ximenes

Editór : Zezito Silva

 

 

iklan
iklan

Leave a Reply

iklan
error: Content is protected !!