iklan

EKONOMIA, BAUCAU, HEADLINE, MUNISÍPIU

Komunidade lamenta ho markasaun espasu públiku iha Baucau Vila

Komunidade lamenta ho markasaun espasu públiku iha Baucau Vila

Uma komunidade iha Vila Antiga hetan markasaun husi ekipa konjunta Autoridade Administrasaun Munisipál ligadu ho planu evikasaun iha munisípiu Baucau, tersa (11/06). Imajen Agência TATOLI/Natalino Belo.

BAUCAU, 11 juñu 2024 (TATOLI) – Komunidade ne’ebé identifikadu okupa espasu públiku lamenta ho markasaun X tanba konsidera Autoridade Administrasaun Munisipál Baucau laiha sosializasaun antes foti desizaun.

Abílio Ximenes nu’udar komunidade husi suku Bahú, Vila Antiga, prontu koopera ho Governu relasiona ho dezenvolvimentu iha iha setór infraestrutura iha Baucau maibé lamenta ho markasaun ne’ebé ekipa husi administrasaun munisipál halo tanba konsidera uma ne’ebé konstrui sees husi espasu públiku no la okupa trotár.

“Ha’u lahetan informasaun ruma hanesan notifikasaun, pelumenus halo sosializasaun ruma, maibé ohin derrepente mai marka sinal,” Abilo Ximenes hateten iha Vila Antiga, tersa ne’e.

Uma komunidade iha Vila Antiga hetan markasaun husi ekipa konjunta Autoridade Administrasaun Munisipál ligadu ho planu evikasaun iha munisípiu Baucau, tersa (11/06). Imajen Agência TATOLI/Natalino Belo.

Abílio argumenta, rai-ne’ebé okupa hanesan patrimóniu privadu no konsidera ekipa konjunta markasaun espasu públiku husi administrasaun munisípiu la halo diferensa entre rai estadu no rai privadu.

“Ha’u halo moru ne’e iha rai privadu la’ós iha trotoár leten, ha’u fó hela espasu públiku,” Abílio Ximenes akresenta.

Nia rekomenda ba Autoridade Administrasaun Munisipál Baucau atu kria diálogu antes foti desizaun nune’e komunidade sira labele sai vítima ba dezenvolvimentu iha Baucau.

Alende ne’e, rekomenda atu sidade Baucau iha área Vila Antiga nu’udar sítiu turístika tanba maioria uma konstrui iha tempu portugés no sai sidade kota lama iha okupasaun Indonézia tanba ne’e presiza atu organiza hanesan hamoos no hadi’a jardín ne’ebé durante ne’e abandonadu.

Jaime da Costa Martins husu atu kria diálogu hodi esplika razaun no objetivu kona-ba planu eviksaun ne’ebé sei hala’o husi Autoridade Munisipál Baucau tanba espasu públiku husi área Rotunda Vila Antiga to’o Riamare nu’udar eransa ne’ebé portugés.

Jaime konta, iha tempu kolonialismu portugés sira uza forsa hodi hadau rai husi komunidade hanesan uma-lisan Roulu, Anaulu, Buile, Macadai, Toilua, Heuuai no Akalae hodi halo konstrusaun ba nia edifísiu sira.

“Ami koopera, maibé ami-nia rai ne’e oinsá, labele mai duni de’it, Governu tenke hatudu,” Jaime hateten.

Ekipa konjunta husi Autoridade Munisipál Baucau, ohin loron-tersa kompostu husi Diresaun Terra no Propriedade, Obra Públika, Jestaun Merkadu no komandu PolísiaNasionál Timor-Leste(PNTL) Baucau halo markasaun sinál X ba uma komunidade ne’ebé konsidera okupa espads públiku husi área Uainiki, Vila Antiga no Vila Nova.

Sinál ne’ebé ekipa konjunta halo markasaun hamutuk 662 nune’e sei kontinua halo reverifikasaun hodi fÓ-sai notifikasaun ba komunidade sira atu hamutuk antes halo evikasaun.

Jornalista   : Natalino Belo 

Editór         : Evaristo Soares Martins

iklan
iklan

Leave a Reply

iklan
error: Content is protected !!