iklan

EKONOMIA, HEADLINE

Austrália-Timor-Leste prosede konferénsia ekonómiku no negósiu

Austrália-Timor-Leste prosede konferénsia ekonómiku no negósiu

Loron dahuluk konferensia ekonomika negosiu Timor Leste no Australia tinan 2024 iha city 8 dili, tersa 12 juinu 2024. Foto Tatoli/Antonio Daciparu

DILI, 12 juñu 2024 (TATOLI) – Governu Austrália halo kolaborasaun ho Ministériu Koordenadór asuntu Ekonómiku Timor-Leste, TradeInvest Timor-Leste no Kámara Komérsiu no Indústria TimorLeste (CCI-TL), organiza Konferénsia Ekonómiku Negósiu ho objetivu atu hametin relasaun ekonómika no emprezariál entre Austrália ho Timor-Leste liuhosi halibur empreza no investidór sira.

Iha eventu ne’e, partisipante sira sei esplora oportunidade hodi apoia dezenvolvimentu sustentável Timor-Leste nian iha setór xave sira, inklui agronegósiu, konstrusaun no enjeñaria, mobilidade laborál, fábrika no komérsiu, rekursu no turizmu no ospitalidade.

“Konferénsia ne’e sei ko’alia liu kona-ba oportunidade komérsiu no investimentu ne’ebé forte no aumenta ba ita-nia nasaun rua”, Embaixadora Austrália nian mai Timor-Leste Caitlin Wilson, hateten iha salaun City8, ohin.

Partisipantes sira iha loron dahuluk konferensia ekonomika negosiu Timor Leste no Australia tinan 2024 iha city 8 dili, tersa 12 juinu 2024. Foto Tatoli/Antonio Daciparu

Nia afirma, Austrália sente orgullu hodi apoia Timor-Leste nia ambisaun ba ekonomia ida ne’ebé forte no fó oportunidade ba ninia povu.

“Ami sente orgullu hodi apoiu Timor-Leste nia ekonomia tanba ekonomia Timor-Leste forte no fó oportunidade ba nia povu sira”, Embaixadora Wilson relata.

Iha fatin hanesan, Diretór Relasaun Esterna no Negósiu iha TradeInvest Timor-Leste, Roberto Lay, afirma konferénsia ida-ne’e inisiativa mai hosi Governu Austrália ho Governu Timor-Leste atu bele halo atividade hodi promove no atrai investimentu sira iha Timor-Leste.

“Ami hanesan ajénsia úniku ne’ebé mak hetan responsabilidade mandatu hosi Governu atu atria, promove no fasilita investimentu sira, tanba ami hetan orientasaun hosi MKAE hodi hamutuk ho komisaun organizadora ne’ebé finansia hosi Governu Austrália  tanba  ne’e mak ami organiza konferénsia ida ne’e”, Roberto Lay dehan.

Konferénsia ne’e sei sai hanesan plataforma ida atu promove setór produtivu Timor-Leste nian no hamosu interese husi emprezáriu Austrália nian hodi forma parseria ho emprezáriu lokál sira.

Konferénsia ida-ne’e realiza hosi Governu Austrália liuhosi projetu parseria ba prosperidade inkluzivu ou partnership for Inclusive prosperity (PROSIVU), ne’ebé partisipa emprezáriu hosi Austrália hamutuk 80-resin inklui membru Governu sira iha Timor-Leste.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!