iklan

BAUCAU, HEADLINE, MUNISÍPIU

Bombeiru atua ona inséndiu iha RSS Baucau

Bombeiru atua ona inséndiu iha RSS Baucau

Inséndiu ne’ebé akontese iha Baucau iha Bairru RSS Vila Nova, kinta (13/06). Imajen Agência TATOLI/Natalino Belo.

BAUCAU, 13 juñu 2024 (TATOLI) – Ekipa Bombeiru kinta ne’e atua inséndiu ne’ebé akontese iha Bairru Rumah Sangat Sederhana (RSS) Vila Nova, postu administrativu Baucau Vila, munisípiu Baucau.

Inséndiu ne’e akontese iha RSS, Blok E númeru 4 purvolta tuku 09:00 dadeer, ne’ebé deskonfia mosu tanba sirkuitu elétrika iha kuartu laran nune’e hamosu pániku no komunidade iha área referida halo kontaktu kedas ba parte responsável liuhusi Autoridade Protesaun Sivíl (APC, sigla portugés) hodi halo atuasaun.

“Agravamentu husi ekipa Bombeiru nian iha dalan to’o tarde, ahi ne’e bele alastra. Ne’e inséndiu iha RSS bele daet ba uma barak mutuk,” Inspetór Polísia Aleixo Ximenes hateten iha fatin akontesementu, kinta ne’e.

Sérgio Freitas da Costa nu’udar vítima, haktuir akontesimentu ne’e kauza husi elétrika no bainhira mosu inséndiu uma ema laiha tanba hala’o atividade hanesan misa.

“Ha’u iha tiha ona Igreja mak viziñu sira telefone ahi-haan uma, entaun ha’u halai mai haree ahi haan tiha ona kuartu ida tomak to’o mutuk, kama, kulsaun no roupa la salva,” Sérgio Freitas da Costa konta.

Maibé, Sérgio agradese ba viziñu tanba informa bainhira akontese inséndiu no halo kontaktu ba Bombeiru hodi atua situasaun, maske inséndiu ne’e rezulta kuartu hetan estragus kompostu husi kama no roupa.

Iha inséndiu ne’e vítima hetan apoia emerjénsia husi APC Baucau hanesan foos, mina, supremie, biskuit, bikan, kanuru, taxu no seluk tan.

Bairru RSS hanesan uma liña ne’ebé iha tempu okupasaun Indonézia maioria funsionáriu públiku utiliza ba rezidénsia privadu kompostu bloku A to’o I nune’e resku bainhira mosu inséndiu.

Jornalista   : Natalino Belo 

Editór         : Evaristo Soares Martins

iklan
iklan

Leave a Reply

iklan
error: Content is protected !!