iklan

EKONOMIA, BAUCAU, HEADLINE, MUNISÍPIU

Diresaun Nasionál Ambiente sosializa esbosu lei mudansa klimátika iha Baucau

Diresaun Nasionál Ambiente sosializa esbosu lei mudansa klimátika iha Baucau

Diretor Jerál Meiu Ambiente, Francisco Xavier Fatima Soares. Imajen Agência TATOLI/Natalino Belo.

BAUCAU, 18 maiu 2024 (TATOLI) – Diresaun Nasionál Ambiente tersa ne’e, sosializa esbosu lei mudansa klimátika autoridade lokál iha munisípiu Baucau.

Diretor Jerál Meiu Ambiente, Francisco Xavier Fátima Soares esplika, importásia husi esbosu lei referida tanba bainhira lei ambientál ne’e vigora iha Timor-Leste bele sai hanesan ho país avansadu sira-ne’ebé implementa ona lei hanesan kona-ba mudansa klimátika nian.

“Objetivu fundamenál husi ida-ne’e mak buka atu autoridade suku sira iha munisípiu nia hanoin atu nune’e fortifika di’ak liután ita-nia ezbosu lei mudansa klimátika ne’e,” Diretor Jerál Meiu Ambiente, Francisco Xavier Fatima Soares hateten iha Vila Nova, tersa ne’e.

Lei ambientál ne’e hamutuk artigu 56 nu’udar ezbosu ba datoluk husi proposta lei mudansa klimátika Timor Leste nian ne’ebé prepara iha 2022 tuir akordu Nasaun iha Francés ne’ebé sei bele atualiza tan bazea ba komunitáriu adisionál husi parte interesadu sira.

Atividade ne’e realiza ba datolu ona hanesan iha munisípiu Ermera, Liquiçá, Bobonaro, Viqueque, Lautem no Baucau.

Tuir planu sei kompleta tan munisípiu ualu seluk nune’e iha razaun autoridade suku husi kada munisípiu antes lori ba Konsellu Ministru no sei kontinua ba Palamantu Nasionál hodi hetan aprovasaun.

“Ita prezisa hanoin ona salva planeta ida-ne’e liuhusi ezbosu lei ne’e, tanba iha ona lei atu regula hodi proteje ita-nia natureza,” Francisco Soares akresenta.

Mudansa klimátika ne’ebé akontese afeta fó impaktu ba agrikultór sira, hanesan tempu udan monu la tuir tempu, tanba atetudi sunu rai arbiru, inklui sentrál eletrisidade sira hanesan Metinaro no Betano ne’ebé distribui enerjia elétrika ba komunidade iha territóriu nasionál no transporte sira hanesan karreta motorizada nia suar.

Francisco Soares husu komunidade hotu atu nafatin kuidadu ambiente, liu-liu labele tesi ai-horis arbiru, tanba bele fó impaktu ba mundansa klimátika udan monu rai la tuir nia tempu.

Xefi Suku Samalari, Rui Sertorio Magno Siqueira, hateten atividade referida importante, tanba bele akumula autoridade suku sira-nia opiniaun hodi elabora lei mudansa klimátika hodi aprezenta ba Konsellu Ministru halo diskusaun antes hetan aprovasaun iha Parlamentu Nasionál.

“Razaun tomak sira halo ezbosu lei nee sosializa loron ida sai lei, ita la’o tuir lei, tanba agora mosu ho ambiente oinoin,” nia akresenta.

Bainhira remata prosesu ba ezbosu lei mudansa klimátika nian iha nasionál, presiza kira ekipa atu kontinua to’o iha terrenu, tanba komunidade sira bele intende kona-ba regulamentu iha lei ambientál ne’e.

Jornalista   : Natalino Belo 

Editór          : Evaristo Soares Martins

iklan
iklan

Leave a Reply

iklan
error: Content is protected !!