iklan

EKONOMIA, HEADLINE

BNCTL-IFC estabelese akordu daruak melora atendimentu

BNCTL-IFC estabelese akordu daruak melora atendimentu

Banku Nasionál Komérsiu Timor-Leste (BNCTL) no Internationál Finance Corporation (IFC ) asina akordu

DILI, 20 juñu 2024 (TATOLI) – Banku Nasionál Komérsiu Timor-Leste (BNCTL, sigla portugés) no Internationál Finance Corporation (IFC ) asina akordu ba daruak nian ho objetivu atu mellora atendimentu ba kliente sira ho di’ak.

Asinatura ne’e hala’o husi Christina Ongoma, Diretór Rejionál IFC no Prezidente Komisaun Ezekutivu BNCTL Antonio Vitor iha loron kinta-feira, 20 Juñu 2024, iha Kuartel Jeral áIFC iha Dili.

Diretór Rejionál IFC Christina Ongoma, hateten akordu faze daruak ne’e atu konsolida rezultadu balun husi akordu faze dahuluk ho BNCTL.

“Iha segunda faze ida-ne’e, ami aseita hodi fó dalan ba transformasaun ho banku hodi foku ba prioridade sira”, Christina dehan.

Nia afirma, inisiativa hirak-ne’e ho objetivu atu hametin banku nia kompetitividade, maibé mós responde ba esforsu sira atu diversifika ekonomia no hametin BNCTL nia kliente sira ho di’ak.

Iha fatin hanesan, Prezidente Komisaun Ezekutivu BNCTL, Antonio Vitor, hateten presiza haforsa jestaun no hadia operasaun.

“Haforsa jestaun sei hadi’a ita-nia operasaun no fó dalan ba ita hodi habelar ita-nia relasaun ho ema ne’ebé presiza, fasil liu atu asesu banku ida-ne’e,’’ Antonio Vitor esplika.

Nia subliña, estabelesimentu akordu ida-ne’e marka mós istoria ida tan ba kooperasaun entre BNCTL ho ICF hanesan sai parseiru di’ak iha futuru.

“Husi implementasaun ida-ne’e importante tebes no ita hakarak servi ba ita-nia kliente katak saida mak sira presiza’’, nia konklui

Jornalista: Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!