iklan

EKONOMIA, HEADLINE

SERVE, I.P rejista lisensiamentu emprezariál hamutuk 58.838 no balun taka ona

SERVE, I.P rejista lisensiamentu emprezariál hamutuk 58.838 no balun taka ona

Logotipu SERVE, I.P. Imajen/Espesiál

DILI, 21 juñu 2024 (TATOLI) – Diretór Ezekutivu Servisu Rejistu Verifikasaun Emprezariál (SERVE, I.P), Fausto Soares da Costa, dehan dezde estabelesimentu SERVE,I.P, rejista ona lisensiamentu emprezariál iha nasionál no munisípiu hamutuk 58.838.

“Durante hosi ita-nia supervizór rejistu komersiál nian hahú kedas hosi ezisténsia SERVE, I.P rasik ne’ebé estabelese iha nasionál no mós sukursál iha munisípiu 11 inklui RAEOA, ita rejistu ona empreza hamutuk 58.838”, Fausto Soares da Costa informa ba TATOLI bainhira entervista eskluziva iha edifísiu TATOLI, ohin.

Nia dehan, tipu empreza sira ne’ebé durante rejistu mak empreza em nome individual (ENIN) hamutuk 26,949, hosi númeru ne’e 74 mak taka ona ka la ativu ona, tuir  mak Unipesoal Lda hamuutk 24,245, hosi númeru ne’e 562 mak la ativu ka taka ona.

Depois Lda Limitada hamutuk 7,011, hosi ne’e 145 mak taka ona, nune’e Sosiedade Anonim (S.A) hamutuk 114, hosi númeru ne’e ulau mak taka ona, depois Reprezentasaun Permanente (R.P) hamutuk 511, hosi númeru ne’e 98 mak taka ona no Empreza Públika (E.P) hamutuk ualu, entaun ida-ne’e mak hosi empreza nasionál no mós internasionál ne’ebé mak rejistu iha iha sukursál no mós nasionál.

“Sira ne’ebé mak taka ne’e, durante situasaun Covid-19 nian, nune’e sira la kontinua to’o agora maibé iha momentu ida-ne’e mak empreza rasik hakarak atu loke fila fali bele ba SERVE atu halo rejistrasaun, nune’e bele halo fali atividade”, nia esplika.

Nia afirma, reseita ne’ebé SERVE hetan ne’e mai hosi fonte sira ne’ebé mak rejistu iha atividade ekonómiku nian.

“Entaun hosi janeiru to’o abril, osan ne’ebé ami fó liu hosi Banku Nasionál Komérsiu Timor-Leste hodi hatama ba kofre Estadu hamutuk $215,215,856,73”, nia subliña.

Nia esplika, funsionamentu lao normál iha semana kotuk, hahú iha loron 10 fulan juñu to’o 19 juñu, reseita ne’ebé SERVE hetan hamutuk $ 12.421.50.

“Funsionamentu SERVE la’o normál fila fali iha semana kotuk iha loron 10 fulan-Juñu to’o loron 19 juñu, reseita ne’ebé ami hetan hamutuk $12.421.50 centavos, ida-ne’e ita sei hatama ba kofre Estadu”, nia hateten.

Nia haktuir, fontes sira ne’e mai hosi empreza en nome individuál, unipesoal Lda, Sosiedade anonim, representasaun permanente no mós empreza públika sira iha Timor-Leste.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!