PR Horta sei diskute kooperasaun iha área haat durante vizita bá Xina
DILI, 15 jullu 2024 (TATOLI)—Embaixadora Repúblika Xina iha Timor-Leste Wang Wenli hamutuk ho nia ekipa hasoru malu ho Primeiru-Ministru (PM), Kay Rala Xanana Gusmão no Vise PM, Ministru Koordenador Asuntu Ekonómiku, no Ministru Turizmu Ambiente, Francisco Kalbuadi Lay, segunda ne’e, hodi relata ajenda vizita Estadu.
Prezidente Repúblika (PR), José Ramos Horta, sei halo vizita ba Xina iha loron 27 juñu 2024 hodi hametin kooperasaun bilaterál entre país rua.
“Ha’u hanesan Ministru Asuntu Ekonomia, ohin hamutuk ho Primeiru-Ministru Xanana Gusmão, hasoru malu ho Embaixadora Xina iha Timor-Leste, Wang Wenli, hodi ko’alia kona-ba kooperasaun saida mak sei hahú entre Timor-Leste ho Xina durante Prezidente Repúblika nia vizita Estadu, entaun kooperasaun ne’ebé importante atu hahú mak iha área ekonómiku, dijitalizasaun, agrikutura, no edukasaun,” Ministru Kalbuadi hateten, iha Farol, segunda ne’e.
Notísia relevante : Xefe Governu hakarak Timor-Leste aprende sistema konservasaun bee husi Xina
Asuntu haat ne’ebé sei halo diskusaun iha vizita Estadu ne’e importante tebes tanba liga ho agrikultura, ne’ebé daudaun Timor-Leste depede maka’as liu ba importasaun.
“Ha’u hanoin Ministériu Agrikultura tenke haree asuntu ne’e nune’e iha futuru mai importante mak hasa’e produsaun iha rai-laran tanba ita depedente maka’as ba importasaun kuaze 70%, ho ida-ne’e ita tenke hasa’e produsaun iha rai-laran nune’e labele depedente,” nia tenik.
Jornalista : Arminda Fonseca
Editora : Julia Chatarina
