DILI, 17 jullu 2024 (TATOLI) – Reuniaun Konsellu Ministru (KM) delibera hodi fó poder tomak ba Vise-Primeiru-Ministru, Francisco Kalbuadi Lay, hodi asina instrumentu aseitasaun ba Protokolu Adezaun Timor-Leste ba akordu Marrakexe ne’ebé estabelese Organizasaun Mundiál Komérsiu (OMK), iha loron 22 Jullu ne’e, iha Jenebra.
“Selebra iha Abu Dhabi iha loron 26 Fevereiru tinan 2024, no protokolu ne’ebé altera Akordu Marrakexe, Akordu kona-ba subsídiu ba Peska, selebra iha Jenebra iha loron 17 fulan-juñu tinan 2022, ne’ebé bandu forma subsídiu ruma ne’ebé prejudika peska,” tenik iha nota ne’ebé Agência TATOLI asesu husi media KM.
Alende ne’e, Vise-Primeiru-Ministru, Francisco Kalbuadi Lay, simu mós poder tomak hodi asina akordu ho Ministériu Komérsiu Repúblika Populár Xina hodi Reforsa Kooperasaun Investimentu iha Ekonomia Dijitál.
Promove Kooperasaun Investimentu iha Dezenvolvimentu Verde Ajensia Kooperasaun ba Dezenvolvimentu Internasional Xina hodi promove implementasaun husi inisiativa dezenvolvimentu globál. Promove projetus infraestrutura kooperasaun xineza nian.
Nune’e ho Repúblika Sosialista Vietname kona-ba Promosaun no Protesaun Investimentu.
Jornalista: Hortencio Sanchez
Editór: Florencio Miranda Ximenes
