BAUCAU, 29 agostu 2024 (TATOLI) – Ministru Ensinu Superiór, Siénsia no Kultura (MESSK), husu komunidade hotu kontribui ho Autoridade Administrasaun hodi lori dezenvolvimentu iha Baucau.
Ministru Ensinu Superiór, Siensia no Kultura, José Pereira Jerónimo, esplika, inportánsia husi selebrasaun loron konsulta populár ba da-25 mak presiza Timoroan hotu espesiál Baucau atu husu agradese tanba Timor-Leste bele determina ba ukun aan iha tinan-1999.
“Husu Nafatin Timoroan sira kuda domin iha laran hodi serbí ita-nia rain ho di’ak, apoiu nafatin Presidente Autoridade hodi halo dezenvolvimentu, iha Baucau,” Ministru Ensinu Superiór, Siénsia no Kultura hatene iha Vila Antiga, kinta ne’e.
Governante ne’e, louva ho prezensa Prezidente Autoridade Munisipál, Veneranda Lemos iha Baucau tanba iha mudansa nune’e nu’udar Baucau oan tenkie fó liman ba malu hodi kontribui ba dezenvolvimentu.
Tinan-1999 liu ba Timor oan hotu iha unidade metin hodi hili referendu nu’udar dalan ba determinasaun nune’e iha era ukun aan ne’e bele kontinua hahalok referida bazea ba istória luta pasadu.
“Iha tempu defsil Timoroan hotu hamutuk, tanba sa ukun aan ona labele hamutuk, ne’e mensajen importante liuliu ba partidu polítiku sira katak tau Timor-Leste iha fuan no mai kontribui hodi lori dezenvolvimentu ba povu iha futuru,” José Honorio akresenta.
MESSK planeia atu kolabora ho Chega atu defini matéria istória hanesan distribui livru istória hodi aprende iha ensinu superiór tanba konsidera inportante atu estudante aprende iha universidade.
Prezensa Ministru Ensinu Superiór, Siensia no Kultura hanesan reprezentante membru governu ne’ebé destakadu iha munisípiu Baucau hodi festeza hamutuk ho komunidade relasiona ho selebrasaun loron konsulta populárr ba da-25.
Atividade Ministru Ensinu superiór ne’e iha Baucau mak hanesan nu’udar oradór, partisipa misa agradesimentu, kari ai-funan no tuir planu sei sai inspetór serimónia iha selebrasaun isár bandeira iha arerador Administrasaun Munisipál Baucau iha aban, loron 30 fulan-agostu.
Jornalista : Natalino Belo
Editór : Evaristo Soares Martins
