DILI, 10 setembru 2024 ( TATOLI)— Maske ho kondisaun ho Difisiente Servacio UD ho idade 75 akompaña ho nia kaben Romana Fatima (idade 67) husi Munisipiu Bobonaro, antusiasmu hodi tuir partisipasi iha misa eukaristia nebee sei diriji hosi Papa Francisco iha Tasi – Tolu, Dili, tersa ini.
Cervacio MD hanesan ema ho difisiente sente kontente hodi partisipa misa nebe’e sei prezidi hosi Papa Francisco. “Ha’u monu husi Uma leten iha Maliana, hau nia ain karuk mak tohar, no momentu neba hau baisa hela iha Hospital Nasional Guido Valadares (HNGV) durante tinan ida ona. Ohin ha’u ho ha’u nia kaben sei tuir misa ne’ebe sei prezidi hosi Papa Fransisku hodi hetan bensaun no bele mos kura ha’u nia moras ,” Cervacio MD hateten ba Tatoli, iha Tasi- Tolu, tersa ne’e.
Nia reafirma katak prezensa Amu Papa iha Timor – Leste hanesan milagre ida no reprezenta Jesus Kristu hodi kura ema no lori mensajen Kristu nian atu ema kriatura atu bele banati tuir dutrina Kristu nian.
” Hau iha esperansa bo’ot katak liuhosi misa ne’ebe prezidi direita husi Papa Francisco ne’e, ha’u sei hetan bensaun no ho bensa ne’ebe simu sei bele kura ha’u nia moras. Tanba Papa Francisco nia prezensa iha Timor – Leste nu’udar mos reprezenta Jesus Kristu,” nia tenik.
Cervacio MD informa mos katak, nia tuir ona misa ida ne’e ba dala rua ona. ” Graca deus ha’u mos uluk tuir ona misa ne’ebe diriji hosi Papa João Paulo II iha tinan 1989 no agora ha’u sei tuir misa tan nebe prezidi hosi Papa Francisco. Ha’u sente kontente ho tanis tanba Maromak sei fo ilhas moris hodi partisipa misa direita dala ida tan ne’ebe prezidi direita husi Papa Francisco ohin,” nia dehan.
Nia mos halo komparasaun katak antusiasmu povu Timor-Leste partisipa misa Papa Francisco barak liu kompara ho uluk wainhira vizita Papa Joao Paulo II iha tinan 1989.
Iha fatin hanesan nia kaben Romana Fatima dehan nia hakarak lori nia kaben mai tuir misa ne’ebe prezidi hosi Papa Francisco nian ho esperansa bele hetan bensaun no bele kura nia moras.
” Hau peregrinu husi Munisipiu Bobonaro,entaun ha’u aproveita ida ne’e lori hau nia kaben mai tuir misa hodi hetan bensaun no hetan salvasun husi Papa Francisco tanba nia nudar reprezenta Jesus Kristu hodi kura moras oioin no hau fiar ida ne’e,” nia hakotu.
Tuir orariu ne’ebe Papa Francisco sei prezidi misa iha Tasi-Tolu, Dili, iha oras 16:30 OTL lokraik.
Jornalista : Camilio de Sousa
Editora : Armandina Moniz
