DILI, 10 setembru 2024(TATOLI)— Sarani kuaze 3500 husi suku Fatuhada, Postu Administrativu Dom Aleixo Munisipiu Dili komesa lao ain husi Fatuhada ba Tasi – Tolu hodi atu partisipasi iha Misa Ekaristia nebe prezide hosi Papa Francisco.
Katekista Kapela Maria Auxiliadora Luru- Mata Carlito da Silva informa katak maioria sarani ho inisiativa rasik lao ain husi tuku 08 : 00 dader tanba hakarak hetan fatin hodi hare direita Amu Papa Francisco.
” Sarani sira dehan ida ne’e marka istoria ida ba Timor – Leste tanba Amu Papa bele vizita mai ita nia rai no hakarak aproveita oportunidade ida ne’e atu partisipa misa nebe’e diriji direita husi Amu Papa Francisco,” Carlito da Silva hateten ba Tatoli, tersa ne’e.
Iha Fatin hanesan Pedro da Costa nu’udar sarani sente kontente hodi bele ba tuir misa nebe’e prezidi husi Amu Papa Francisco iha Tasi- Tolu maski lao ain no loron manas.
” Hau nunka kolen hodi lao ain ba Tasi – Tolu maski ho distansia dook no loron manas. No objetivu ami ba sedu Tasi-Tolu hodi hetan fatin besik para tuir misa nebe’e diriji husi Amu Papa no bele mos hetan bensaun hosi Amu Papa,” deklara nia.
Tuir observasaun Jornalista TATOLI sarani sira maioria joven no iha mos katuas ferik no labarik sira ne’ebe ne’ebe lao ho uja kamizola Amu Papa Francisco no sumbrina hodi la oba Tasi-Tolu.
Papa Francisco sei diriji misa ekaristia iha Tasi – Tolu sei hahu iha tuku 16: 30 OTL lokraik.
Jornalista : Camilio de Sousa
Editora : Armandina Moniz
