KM aprova akordu entre TL-ADB kona-bá medida hadi’a reziliénsia iha área rurál
DILI, 18 outubru 2024 (TATOLI) – Governu liuhusi reuniaun Konsellu Ministru (KM) estraordináriu,,sesta ne’e, diskute no aprova akordu ho Banku Aziátiku Dezenvolvimentu (ADB) kona-bá medida atu hadi’a reziliénsia no Meiu subsisténsia (Life) iha Setor Rurál.
Akordu ne’e aprezenta husi Vise-Primeiru-Ministru no Ministru Dezenvolvimentu Rurál no Abitasaun Komunitária, Mariano Assanami Sabino.
“Akordu ne’e ho objetivu atu hasa’e reziliénsia ema besik rihun 46 iha zona rurál sira, Munisípiu Manatutu nian,” tenik iha nota ne’ebé Agência TATOLI asesu husi portál Governu.
Projetu ida-ne’e ho nia objetivu, liuliu atu hadi’a asesu ba bee, promote bá dosaun prátika agríkola intelijente sira ne’ebé adapta ba mudánsa klimátika no hametin pás institusionál no organizasaun husi komunidade rurál sira.
Inisiativa ne’e, aliña ho prioridade Governu Konstituisaun IX nian, inklui investimentu iha setór infraestrutura (hydrika), forma grupu agríkola iha dezenvolvimentu subsisténsia iha ambiente diversifikadu foun.
Hein mós katak, modelu rurál dezenvolvimentu ne’ebé daudaun implementa iha Manatutu hodi hatene halo tuir iha munisípiu sira seluk, maibé nunka promove dezenvolvimentu sustentavél iha Timor-Leste.
Aprova Dekretu-Lei hodi estabelese programa revitalizasaun
Alende ne’e, Reuniaun Konsellu Ministru, diskute no aprova mós projetu Dekretu-Lei ne’ebé estabelese Programa Revitalizasaun Komunitária.
Dekretu-Lei ne’e aprezenta husi Vise-Primeiru-Ministru no Ministru Dezenvolvimentu Rurál no Abitasaun Komunitária, Mariano Assanami Sabino.
“Objetivu husi programa ne’e mak promove dezenvolvimentu ekonómiku iha komunidade rurál no apoia atividade produtivu iha setór agrikultura, peska, hakiak animál, floresta iha agrikultura, infraestrutura iha setór ekipamentu no interese koletivu,” refere nota ne’e.
Dekretu-Lei aliña ho prinsípiu sustentabilidade nian, inkluzaun sosiál no partisipasaun komunidade, programa ne’e previstu fó subsídiu ba projektu komunidade sira, hodi hametin kapasidade lokál no promosaun komunidade reziliénsia sira-nian iha territóriu nasionál tomak.
Jornalista: Hortencio Sanchez
Editór: Florencio Miranda Ximenes
