DILI, 15 novembru 2024 (TATOLI) – Ministru Defeza Kontra Almirante, Donaciano Costa Gomes ‘Pedro Klamar Fuik’ husu ba tékniku husi Ministériu Defeza hodi avalia servisu empreza ne’ebé ka’er projetu infraestrutura militár hanesan halo kazerna militár sira iha área Dama-Laran, Postu Administrativu Atabae Munisípiu Bobonaro molok fó sansaun ba empreza referida.
Nia dehan, molok atu fo sansaun ba empreza ida tenke haree uluk empreza ne’e nia servisu, katak saida mak nia halo ona no saida mak seidauk halo.
“Ha’u husu ona ba tékniku sira atu finál ba tinan ne’e sira atu haree empreza ne’e nia servisu saida mak empreza sira bele halo, saida mak sira la halo, atividade saida mak sira halo ona no saida mak sira seidauk halo para depois ita bele haree fila fali ba tinan oin. Agora atividade sira ne’ebé empreza ne’e kompromete ho Estadu mak lahalo liuliu iha hau-nia Ministériu Defeza, ita sei foti medidas”, Donaciano Costa Gomes ‘Pedro Klamar Fuik’, hateten ba jornalista sira iha Parlamentu Nasionál, sesta ne’e.
Governante ne’e katak kuandu ekipa tékniku siraa valia mak iha projetu infraestrutura militár balun sei iha faze finalizasaun, entaun husu para empreza ne’e iha obrigasaun para kontinua halo.
“Ida ne’ ebé mak h aree katak iha komprimisiu atu bele halao saida mak ita hakarak sira bele halo sira ia obrigasaun para halo . Maibe nee depende ba ekipa t ekniku sira nia avaliasaun ,”nia konklui.
Notísia relevante : Falur : Kriminaliza empresa abandona projetu infraestrutura militar iha Dama-Laran
Jornalista: Natalino Costa
Editór : Zezito Silva
