BAUCAU, 20 novembru 2024 (TATOLI) – Programa Nasionál Dezenvolvimentu Suku (PNDS), Delegasaun Territoriál Munisípiu Baucau, devolve orsamentu tinan 2021-2023 iha bankária suku hamutuk 59 ho montante $681.354,65.
Montante orsamentu $681.354,65 ne’ebé PNDS devolve ne’e kompstu husi orsamentu operasionál $138,501.66 no orsamentu infraestrutura ho montante $542,852.99.
Diretór PNDS Delegasaun Territoriál Munisípiu Baucau, Amaro Gusmão Gama Fernandes, esplika, orsamentu ne’ebé devolve kategória rua hanesan fundu operasionál no infraestrutura ne’ebé aloka ba suku 59 tanba seidauk ezekuta hotu durante tinan-tolu husi 2021 to’o 2023.
“Osan hira mak tama iha suku sira hatene hela, maibe atu jere ne’e mak ita konsidera sira hanesan kapasidade limitadu,” Diretór PNDS Delegasaun Territoriál Munisípiu Baucau hateten iha Vila Nova, kuarta ne’e.
Orsamentu operasionál
Orsamentu operasionál ne’ebé devolve ba kofre estadu hamutuk $138,501.66 hanesan husi postu administrativu Baguia, kompostu suku Afaloikai hamutuk $3,729.59, Alaua Kraik $4,176.99, Alaua Leten $1,219.79, Defauasi $2.304.29, Hae-Koni $552.91, Larisula $2,661.84, Lavateri $554.99, Osso-Huna $9,408.29, Uacala $6,665.99, Samalari $6,021.48.
Postu Baucau Vila husi suku Bahu $5,579.17, Bukoli $3,934. 72, Buibau $2,919.12, Buruma $5,969.12, Kaibada $2,042.07, Gariuai $5,940.02, Samalari $2,408.57, Seiçal $8,835.63, Triloka $6,842.87, Tirilolo $1,949.54, Uailili $2,944.82.
Postu Laga husi suku Atelari $1,103.84, Libagua $2,298.43, Nunira $1,667.89, Saelari $1,619.79, Sagadate $2,609.77, Samalari $3,038.85, Soba $317.08, Tekinomata $167.36.
Postu Quelicai husi suku Abafala $1,215.32, Abo $1,867.44, Afaçá $469.69, Baguia $2,300.13, Bualale $1,748.36, Gurusa $3,278.03, Lakoliu $1,085.77, Laisorulai de Baixo $2,932.23, Laisorulai de Cima $2,681.42, Lelalai $1,673.98, Letemumo $2,928.52, Makalaku $1,400.62, Maluro $800.79, Namanei $4,439.81, Uaitame $4,114.94.
Postu Vemasse husi suku Kaikua $1,372.34, Loilubu $3,975.49, Ossouala $2,397.21, Ostiku $73.77, Uaigae $4,674.19, Uato-Lari $5,161.59, Vemasse $3,143.99
Postu Venilale husi suku Bado-Ho’o $1,276.44, Baha Mori $1,080.84, Fatulia $2,635.49, Uailaha $ 356.64, Uai Oli $57.84, Uatu Hako $549.59, Uma Ana Iko $373.99 no suku Uma Ana Ulo devolve $1,703.14 ba kofre estadu.
Orsamentu infraestrutura
Enkuantu orsamentu infraestrutura hamutuk $542,852.99 ne’ebé mai husi suku 26 hanesan Atelari $602.12, Abafala $1,693.24, Abo $4,417.58, Afaça $603.91, Baguia $24,115.77, Bualale $32,729.60, Laisorulai de Baixo $9,003.24, Laisorulai de Cima $27,904.70.
Suku Makalaku hamutuk $443.03, Maluru $12,710.18, Buibau $1,548.07, Buruma $4,073.70, Kaibada $347.88, Samalari $723.87, Seiçal $11,060.24, Tirilolo $19,767.60, Afaloikai $33,136.79, Alaua Kraik $105,369.55.
Suku Alaua Leten hamutuk $47,583.96, Defauasi $64,038.82, Samalari $40,236.94, Uakala $50,884.51, Uaigae $15,948.62, Uato-Lari $9,055.36, Vemasse $10,080.70 no suku Uai Oli hamutuk $14,773.01.
“Ba projetu ne’ebé ita halo progresu to’o iha klaran nia osan mos fila hotu,” Amaro akresenta.
Governu liuhusi Ministériu Administrasaun Estatál (MAE) aloka orsamentu infraestrutura ba PNDS Baucau atu kria atividade sira hanesan kanaliza bee-moos, reabilita eskola, agrikultura, reabilita estrada rurál.
Husi projetu sira-ne’ebé implementa iha kada suku konsideradu tarde nune’e iha aumentu atividade ba tinan foun entaun implika ba kapasidade ezekusaun.
Orsamentu ba operasionál atu fasilita Ekipa Jestaun Suku (EJS) hodi utiliza ba nesesidade hanesan print no fotokópia dokumentu sira, maibé orsamentu hirak-ne’e la konsege ezekuta hotu nune’e Governu deside devolve hikas ba kofre estadu.
Jornalista : Natalino Belo
Editór : Evaristo Soares Martins
