DILI, 21 novembru 2024 (TATOLI) – Governu liuhusi reuniaun Konsellu Ministru, kinta ne’e, diskute no delibera autorizasaun despeza ba projetu konstrusaun no manutesaun lima iha tinan 2025.
Projetu konstrusaun no manutensaun ne’e aprezenta husi Ministru Obras Públiku (MOP), Samuel Marçal.
Projetu konsturusaun no manuteaun lima mak hanesan;
• autoriza despeza ba konstrusaun edifísiu eskritóriu andar neen ba Ministériu Obras Públikas, no edifísiu andar ida besik ba Laboratóriu Enjeñaria Sivíl, ho kustu besik millaun $20.
• autoriza despeza ba reabilitasaun no manutensaun seksaun estrada entre Seloi, Aileu no Gleno, Ermera, ho naruk kilometru rihun 18, ho valór obra ne’ebé prevee millaun $15,97.
• autoriza despeza ba reabilitasaun no manutensaun ba seksaun estrada entre Lospalos no Lautein, ho naruk km 27.980, ho valór obra ne’ebé prevee millaun $ 22,7.
• autoriza despeza ba reabilitasaun no manutensaun ba seksaun estrada entre Lautem no Suku Com, ho nia naruk kilometru 19.760, ho valor obra ne’ebé prevee millaun $13,8.
• autoriza despeza ba reabilitasaun no manutensaun seksaun estrada entre kruzamentu Letefoho no Gleno, ho naruk km 24.140, ho valór obra ne’ebé prevee millaun $45.
Jornalista: Hortencio Sanchez
Editór: Florencio Miranda Ximenes
