DILI, 03 dezembru 2024 (TATOLI) – Durante vizita ofisiál loron ida iha Malázia Primeiru-Ministru Kay Rala Xanana Gusmão hato’o palesrtra iha Institutu Diplomasia no Relasaun Externa (IDFR) Malázia nian kona-ba International Diplomacy in an Increasingly Fragmented and Fragile World.
“Iha ha’u nia palestra ko’alia uitoan kona-ba mundu iha nasaun barak hasoru hela funu ema barak mate, entaun ha’u hasorumalu ho joven sira halo apelu ida oinsa atu hametin pás,” Xanana hateten ba jornalista sira iha Aeroportu Internasionál Prezidente Nicolau Lobato Dili, tersa ne’e.
PM Xanana dehan, Tema ne’ebé aprezenta iha Palestra ne’e kona-ba “Diplomasia Internasionál iha Mundu ne’ebé Fragmentadu no Frajil ba beibeik” “𝑰𝒏𝒕𝒆𝒓𝒏𝒂𝒕𝒊𝒐𝒏𝒂𝒍 𝑫𝒊𝒑𝒍𝒐𝒎𝒂𝒄𝒚 𝒊𝒏 𝒂𝒏 𝑰𝒏𝒄𝒓𝒆𝒂𝒔𝒊𝒏𝒈𝒍𝒚 𝑭𝒓𝒂𝒈𝒎𝒆𝒏𝒕𝒆𝒅 𝒂𝒏𝒅 𝑭𝒓𝒂𝒈𝒊𝒍𝒆 𝑾𝒐𝒓𝒍𝒅”, ne’ebé partisipa formandu sira iha institutu IDFR nian ne’ebé frekuenta hela kursu iha IDFR, diplomata sira hosi Ministériu Negósius Estranjeirus Malázia nian inklui kórpus diplomátikus sira iha Malázia.
Xanana hatutan, polítika iha mundu ligadu ho funu ne’ebé akontese iha Gaza, Ukránia no Myanmar, ne’ebé sai preokupasaun boot iha boot, tanba ne’e presiza fó hanoin nafatin ba diplomata sira komntinua promove páz no estabilidade iha mundu.
Primeiru-Ministru akresenta, papél Institutu Diplomata sira-nian importante tebes, nune’e bele kontinua eleva koñesidu futuru diplomata sira-nian, nune’e nafatin promove páz iha mundu.
Tuir PM Xanana katak, mundu ohin loron aplikasaun ba lei internasionál la justu ona, tanba aplika de’it ba nasaun balun.
Jornalista: Hortencio Sanchez
Editór: Florencio Miranda Ximenes
