DILI, 12 dezembru 2024 (TATOLI) – Primeiru-Ministr, Kay Rala Xanana Gusmão, kontente ho maturidade joven hotu nian ne’ebé kontribui ba pás durante tinan 2024.
“Ita agora kontente tebes tanba ita iha hela situasaun ne’ebé hakmatek, la akontese buat ida, joven sira bele asumi ona dever boot ida tanba kria ona estabilidade harmonia iha ita nia rain,” PM Xanana hateten ba jornalista sira iha Palásiu Prezidensiál Dili, kinta ne’e.
Tanba ne’e, nia alerta ba ema hotu atu mantein nafatin pás durante selebra festa natál no tinan foun ne’ebé sei akontese iha semana hira mai ne’e.
“Joven sira nafatin mantein estabilidade hanesan ne’e, iha natál no tinan foun ita tenke mantein nafatin pás,” Xanana tenik.
Nia mós husu ba joven hotu atu iha kriatividade hodi dezenvolve nafatin idaidak nia talentu ne’ebé pozitivu hodi kontribui ba dezenvolvimentu nasaun.
Jornalista: Hortencio Sanchez
Editor: Florencio Miranda Ximenes
