DILI, 20 Fevereiru 2025 (TATOLI)—Vise Primeiru-Ministru (PM), Ministru Koordenadór Asuntu Ekonómiku, Ministru Turizmu no Ambiente, Francisco Kalbuadi Lay, rejeita informasaun ne’ebé espalla liuhusi rede sosiál kona-ba estrutura Governu sombra.
Ministru Kalbuadi rekoñese, informasaun ne’e sai ona konsumu públiku, tanba ne’e nia husu atu públiku labele fiar.
“Ha’u husu ba publiku labele fiar lia bosok ne’ebé espalla husi pesoál sira ne’ebé laiha responsabilidade no ha’u mós hakarak dehan IX Governu nafatin depozita konfiansa ba Primeiru-Ministru, Kay Rala Xanana Gusmão iha Governasaun atuál. Tanba ne’e, membru Governu sira nafatin konsentra ba serbisu,” Governante ne’e hato’o iha ninia knaar fatin, kinta ne’e.
Vise PM afirma, Governu daudaun ne’e sólidu hela no seidauk iha desizaun ruma kona-ba mudansa estrutura Governu atuál.
Iha loron 01 juñu, Prezidente Repúblika, José Ramos Horta, fó pose ba membru na’in-47 IX Governu Konstitusionál, kompostu husi mane na’in-40 no na’in-hitu.
(TATOLI)
