Eventu TasiFest la’o ho susesu
DILI,08 juñu 2025 (TATOLI) — Ajente Operasionál Jerál husi Empreza Sentinel, Hoswaldo Araújo, fó-sai katak, eventu tasifest durante loron tolu iha Tasi Tolu la’o ho susesu.
“Relasiona kona-ba fó seguransa ba eventu tasifest desde loron tolu iha tasi tolu buat hotu la’o ho di’ak laiha konfrontu fíziku ne’ebé mak iha,” Hoswaldo Araujo, hateten ba TATOLI, ohin.
Nia dehan, durante loron tolu konsertu ne’e laiha problema ruma ne’ebé atu akontese no segurasna husi Sentinel mós fó seguransa diak, buat hotu la’o normal to’o konsertu ne’e remata.
“Ami-nia seguransa sira-ne’e fahe ba parte tolu hanesan VIP, regulár no prémiu, tanba ema tama barak, entaun ekipa sira konsegue kontrola situasaun hotu, tanba ami simu orientasaun husi Polísia Nasional Timor-Leste,” nia esplika.
Nia dehan, pesoál ne’ebé mak fó seguransa ba eventu tasifest durante loron tolu ne’e hamuutuk 120, husi númeru ne’e feto na’in-tolu no restante mane.
Jornalista : Felicidade Ximenes
Editór: Evaristo Soares Martins
