Tenis Kampu: Portugál halakon Timor-Leste
DILI, 20 Jullu 2025 (TATOLI) – Mane husi Portugal manán Timor Leste iha modalidade Tenis Kampu ho set 6-1 no set daruak ho rezultadu 6-0 iha jogu desportivu Komunidade Ko’alia Lian Portugés (CPLP, sigla portugés) ne’ebé realiza iha Dili.
Hafoin joga modalidade Tenis Kampu, Mane husi Portugal, Lourenço Correia hasoru Timor Leste, Frans da Silva iha Tenis Kampu, UNTL Sentrál. Jogu ne’e hahu iha tuku 15:45 no remata 16:45.
Árbitru ba jogu husi Timor Leste, José de Jesus, enkuantu atleta Lourenco Coreira ho Frans da Silva iha kampu A, UNTL Sentrál.
Depois jogu modalidade Tenis Kampu, remata husi Maskulinu Portugál ho Timor-Leste kontinua kedas ho maskulinu no femenina Portugál kontra maskulinu no femenina Timor Leste nafatin hetan vitória husi Portugál.
Iha primeira set, Portugal 6 no Timor-Leste 0, depois segunda set Portugál 6 no Timor Leste 2 nune’e Portugál hetan nafatin vitória.
Husi jogu ne’e hahú iha tuku 17:13 no remata 18:08 no lidera jogu ne’e husi árbitru timoroan ho naran Qualtero Gusmão.
“Ha’u sente kontente tebes bainhira manán jogu ida ne’e,” Lourenço dehan.
Antes nee atleta Lourenco Correia partisipa ona eventu modalidade tenis hasoru ona nasaun oin oin.
“La’ós foin partisipa jogu Tenis Kampu Timor-Leste, maibé antes nee tuir ona tenis hasoru malu ho nasaun oinoin,” nia haktuir.
Atleta timoroan, Frans Sarmento da silva rekonese jogu nee sai hanesan lisaun ida atu motiva nia hodi prepara nia an ba jogu tuir mai.
Nune’e mós femenina entre portugal A ho portugal B hasoru malu hetan vitoria husi Portugal B. Jogu ne’e hahú tuku 18:19 no remata iha tuku 19:51 kalan.
Husi ekipa Portugál A ho naran atleta Beatriz Angelico, ekipa Portugál B atleta naran Sofia Fereira. Husi set dahuluk Portugál B ho vitória 6-4 no set daruak 6-3 ne’ebé lidera árbitru timoroan, António Mendes
Jornalista : Felicidade Ximenes
Editór: Evaristo Soares Martins
