DILI, 08 Agostu 2025 (TATOLI)–Ministériu Solidaridade Sosiál no Inkluaun (MSSI) distribui ona karreta ualu ba nia diresaun sira hodi halo serbisu.
“Karreta ministériu nian avaria hotu ona nune’e sosa kareta foun para ajuda serbisu ministériu nian. Entaun ohin ita simu ona karreta ualu, ne’ebé kompañia Toyota sosa no entrega ona,” Ministra Solidaridade Sosiál no Inkluaun, Verónika das Dores, hato’o ba jornalista sira, iha resintu edifísiu MSSI, Kaikoli, Sesta ne’e.
Notísia relevante : MSSI prioriza benefisiáriu pensaun sosiál ho kondisaun fraka
Prosesu konkursu ne’e hahú iha fulan-Maiu liubá no fulan kotuk mak finaliza nia prosesu legalidade sira, nune’e ohin bele entrega no kada diresaun bele utiliza ona.
“Ita planu sosa karreta ualu ho nia montante hamutuk $500.000 Kompañia Toyota manán konkursu hodi sosa karreta, no fulan kotuk finaliza ninia prosesu legalidade sira no ohin ami simu kareta,” nia akresenta.
Kompañia manán-na’in sosa kareta iha nasaun Tailándia no Japaun.
Jornalista : Osória Marques
Editora : Julia Chatarina
