XINA, 21 Agostu 2025 (TATOLI)- Ekipa husi China Media Group (CMG) akompaña Jornalista na’in-rua husi Ajénsia Notisioza Timor-Leste ho jornalista sira seluk husi Asia no Áfrika hamutuk 30-resin bá vizita muzeu Jinak Xinglong Coffee, hanesan fábrika kafé úniku no tradisionál “Coffee Dreamy Factory” no fatin turistíku Surfing Shimei Bay Hainan iha nasaun Xina.
Eventu China Walk 2025 ne’ebé realiza husi China Media Group lori Jornalista TATOLI ho jornalista husi nasaun Asean vizita mos fatin istóriku kona-bá Xina no fatin turístiku sira iha Provínsia Hainan. Iha Loron datoluk vizita bá muzeu “Jinak Xinglong Coffee” fatin konserva istória nasaun Xina koñese kafé no mós produsaun kafé hodi faan inklui uza kafé hodi tama iha inovasaun liuhusi produsaun ba kulinária.
Notisia relevante: China Media Group agradese jornalista Ajénsia Notisioza TATOLI bá partisipa eventu CMG China Walk
Jornalista lian Malayu iha China Media Group, Lyu QIng, dehan ho muzeu ne’e halo maioria joven iha Xina gosta hemu kafé.
“Ema Xina uluk liu hatene de’it hemu Xha, maibe tanba tempu muda ona agora ne’e ema Xina barak mak gosta hemu kafe”, dehan nian
Iha tinan 1950, Lao rai Xina ba vizita nasaun sudeste aziátiku no fila-fali lori kafé musan mai kuda iha provínsia Hainan, la kle’ur Primeiru-Ministru Xina dahuluk fó konesimentu kafé ba povu Xina katak kafé hanesan materiál ne’ebé uza iha momentu ne’ebá halo serimónia tradisionál.
Alende ne’e, vizita mós fábrika kafé “Cofee Dreamy Factory” hanesan fatin porodusan kafé iha Provísia Hainan no kuaze nasaun nasaun 36 mak faan kafé mós iha fatin referdiu, maibé la aplika taxa.
Hafoin ne’e Jornalista TATOLI no delegasaun bá vizita fatin turístika Shimei Bay iha tasi Ibun, fatin ne’ebé hanesan ho área Kristu-Rei ne’ebé nakonu ho vizitante husi lokál no internasionál
Fatin ne’e kada tinan dada turista besik rihun 120-resin no Ikus liu vizita fatin turístiku naran Desa Bali, no fatin surfing training base.
Notisia relevante:Ajénsia Notisioza TATOLI no China Media Group asina akordu kooperasaun iha Xina
Jornalista: Argentina Cardoso
Editór: Florencio Miranda Ximenes
