DILI, 05 Fevereiru 2026 (TATOLI)—Diretór Kompra iha Institutu Nasionál Farmásia no Produtu Médikamentu (INFPM), Sergio Belo, informa Dirasaun Nasionál Farmasia no Produtu Medikamentu (DNFPM) entrega ona lista kuantifikasaun ba prosesu akizisaun ai-moruk tinan 2026 ba INFPM.
“DNFPM enttrega ona lista akizisaun ai-moruk tinan 2026 mai ami, entaun ami tenke ajusta planu ba sistema hafoin kompra,” Sergio Belo dehan ba jornalista sira iha nia kna’ar fatin, ohin.
Nia esplika, planu sira INFPM hatama ona ba sistema lista kuantifikasaun, nune’e bele avansa ba akizisaun ninian.
“Lista ne’ebé mak DNFPM fó ne’e iha lista esensiál item 183 vitál 113, non esensiál item 61, nafs item 15, hemodalize item tolu (3), hemodialize ba gram nian item 13, oftamolojia item 13, medikamentu referál ka espesialialista item 23,” nia haktuir.
Na relata, INFPM daudaun ne’e prepara hotu ona lista sira-ne’e mak hafoin loke konkursu públiku ba empreza sira hodi compete mak hafoin avansa ba prosesu aprovizionamentu.
“Ha’u sente fulan ida-ne’e prosesu sira-ne’e hotu ona. Ita bele loke ona konkursu públiku ba empreza sira atu aplay. Sé mak konkorre, nia mak bele kompra ai-moruk,” nia deahn.
Jornalista : Felicidade Ximenes
Editór : Cancio Ximenes
