DILI, 19 Juñu 2026 (TATOLI)— Méxiku susesu hadau billete ba ronda 32 iha Kopa Mundiál 2026. Ekipa Selesaun Nasionál hanaran El Tri ne’e hadau billete hafoin halakon Korea Súl 1-0 iha jogu daruak Grupu A ne’ebé realiza iha Estádiu Akron, Sesta (19 Juñu 2026) meudia.
Ho rezultadu ida-ne’e lori Méxiku halibur pontu neen (6) hodi lidera Grupu A no bele hetan billete hakat ba ronda 32. Ekipa Korea Súl hatuur an iha fatin druak nian ho pontu tolu (3), Repúblika Cheka hadau fatin datoluk no Afrika Súl okupa iha fatin dahaat.
Husi inísiu, jogu ne’e hala’o ho ritmu ne’ebé maka’as. Korea-Súl tenta kedas atu halo presaun ho movimentu lalais sira husi Son Heung-min no Lee Kang-in, maibé defeza mexikanu mantein dixiplina. Mezmu iha minutu dahuluk sira, Lee Kang-in hetan ona akuzasaun tanba falta maka’as iha minutu dahaat.
Méxiku hatán ho oportunidade ne’ebé perigozu no atratiku. Iha minutu hitu, Brian Gutierrez no Roberto Alvarado destaka suta sira-ne’ebé salva husi guarda-redes súl-koreanu. Ekipa uma-na’in nia presaun kontinua maibé laiha rezultadu.
Koreia Súl mós ameasa dalabarak, inklui situasaun perigu ida iha minutu 18 bainhira Edson Álvarez tenke halo apuramentu krusiál ida iha liña baliza nian hodi impede esforsu Son Heung-min nian.
Iha primeira parte nia klaran, ekipa rua ne’e troka atake, bola lori sira lulun balu ba-mai de’it, maibé laiha golu ida mak sira marka.
Iha primeira parte nia roha, Koreia Súl hahú domina pose no fó presaun ba defeza mexikanu beibek ba beibeik. Lee Kang-in koko fali nia sorte iha minutu 44, maibé laiha rezultadu. Primeira parte ramata ho eskoru empata 0-0 hafoin minutu lima husi tempu adisionál.
Tama ba segunda parte, Méxiku joga ho agresivu liu. Ekipa husi treinadór Javier Aguirre aumenta kedas ninia intensidade atake nó kria oportunidade oioin iha inísiu, inklui esforsu husi Luis Romo iha minutu 50 ne´ebé salva husi guarda-rede Korea Súl nian.
Impase ikus mai hakotu iha minutu 50, bainhira Luis Romo hatama golu úniku iha jogu dramátiku ne’e. Golu ne’e mosu tanba situasaun kaótiku iha kaixa penalidadeKorea Súl nian. Bola ida=ne’ebé namkari husi atake Méxiku nian la hetan maneja ho di’ak husi defeza adversáriu, no Romo baku lalais bola ne’e ba rede nakloke, hodi fó vantajen ba Méxiku ho 1-0.
Hafoin golu, Taegeuk Knights aumenta sira-nia intensidade atake nian. Lee Kang-in sai hanesan forsa motriz ba atake no tenta suta oioin husi área penalti nia li’ur, inklui iha minutu 78 no 90+2 hosi suta kantu. Maibé, tentativa sira-ne’e la konsege tama iha área defeza mexikanu.
Guarda-rede mexikanu Rangel sai hanesan eroi iha minutu ikus jogu nian. Nia halo salvasaun sira-ne’ebé maka’as iha minutu 87 no iha tempu intervalu nian, hodi nega oportunidade osan-mean sira ba Cho Gue-sung no Hwang In-beom hodi halo empata.
Treinadór Myung-Bo Hong nia ema sira kontinua halo presaun to’o minutu ikus ho suta kantu tuituir malu oioin iha tempu parajen nian, maibé defeza Méxiku nian metin. Árbitru ikus mai huu árbitu finál, hodi fó sinál ba vitória 1-0 ba Méxiku.
Ho rezultadu ida-ne’e, Méxiku mantein oportunidade ida-ne’ebé maka’as hodi kualifika hanesan primeiru husi Grupu A, enkuantu Koreia-Súl tenke buka pontu krusiál sira iha sira-nia jogu tuir-mai hodi mantén iha kontensaun ba faze grupu nian.
México (4-1-2-3): Raul Rangel, Jorge Sanchez, Edson Alvarez, Johan Vasquez, Jesus Gallardo, Erik Lira, Luis Romo, Brian Gutierrez, Raul Jimenez, Julian Quinones, Roberto Alvarado.
Treinadór: Javier Aguirre Onaindia.
Koreia-Súl (3-4-3): Kim Seunggyu, Lee Hanbeom, Kim Minjaem, Kim Moonhwan, Seol Youngwoo, Lee Gihyuk, Hwang Inbeom, Paik Seungho, Lee Jaesung, Lee Kangin, Son Heung-min.
Treinadór: Myung-Bo Hong.
Jornalista : Hortêncio Sanchez
Editór : Cancio Ximenes
