KO deside blokeia estrada iha fatin destinadu ba vizita Saudozu Lú Olo
DILI, 25 Juñu 2026 (TATOLI)—Komisaun Organizadora hamutuk ho Polisia Nasionál Timor-Leste deside blokeia fatin destinadu sira ba vizita Saudozu Francisco Guterres Lú Olo.
”Aban, ita atu realiza serimónia fúnebre ba ita-nia saudozu Lú Olo mak sei tuir sekretu sira hanesan iha oras 7h30 dadeer matebian sei dezloka husi nia rezidénsia ba Komité Sentrál Fretilin (CCF). Depois fó omenajen tiha, sei dezloka ba iha Kuartel Jenerál FFDTL Fatuhada no husi ne’eba sei liu ba Preidénsia Repúblika Bairru Pite. Husi ne’e, sei dezloka tan ba iha Igreja Katedrál hodi selebra misa reequiem ne’ebé prezide misa husi Amu Bispu Baukau,” Prezidente Komisaun Organizadora, Cesar do Santos da Silva, hateten liuhusi konferénsia imprensa ne’ebé hala’o iha maktoban nia rezidensia, Faról, ohin.
Nia husu ba ema hotu atu fo hanoin katak atu la’o tuir regra ne’ebé mak fó sai, nunee aban bele idak-idak la’o tuir prosedimentu ne’ebé mak iha.
”Aban, ita hotu tenke la’o tuir rute ne’ebé mak iha, nune’e labele iha akontesimentu ruma ne’ebe mak ita la espera, tanba ne’e rute ita tenke la’o tuir no obedese,” nia informa.
Iha fatin hanesan, Reprezentante FALINTIL-Forsa Defeza Timor Leste (F-FDTL), Tenente Olderico de Araújo, hateten aban dadeer sai husi rezidénsia tun husi tasi ibun, nune’e fatin sira ne’e sei blokeia temporariamente.
”Iha Katedrál ne’eba iha PNTL, FFDTL sei blokeia hotu depois iha Parlamentu Nasional mós dalan sira-ne’ebé ita blokeia, nunee ita la’o ho di’ak,'” nia dehan.
Banihira sai husi fatin PN ba iha jardin dos Erois Metinaru husi fatin sira-ne’e blokeia temporariamente husi autoridade seguransa sira.
Nia hateten, formasaun ba motorizada no viatura sira-ne’ebé polisia sei loke dalan, tuir kedas polísia militár, tuir jornalista depois mak motorizada baterdór husi pPlisia Miliáar hanesan eskolta de ondra ba saudozu depois família. Depois iha viatura ida-ne’ebé mak tula saudozu no tuir mak karreta husi orgaun soberania haat depois ho polisia taka mak tuir eis titulár sira,” nia dehan.
Apela ba sidadaun sira labele atrapalla ho motor sira banhira dezlokamentu la’o iha oin, tanba ne’e hakarak buat hotu la’o ho di’ak durante prosesu fúnebre tenke kontribui seguransa ba saudozu Lú Olo.
Komadante Interinu PNTL Munispiu Dili, Superintendente Polisia Luis da Silva, informa fúnebre ba aban nian ne’e PNTL la’o nia komandu jerál fó sai no bazeia ba planu n’ee mak komunidade Munisípiu Dili koordena ho familia matebian hodi hasai diretiva operasaun ba aban nian.
”Automatikamente, aban, tuku 7h30, mate isin sai husi nia rezidensia membru sira hamutuk 200-resin ami koloka ba iha fatin blokeia sira hanesan CCF, Kuartel Jenerál FFDTL, Palasiu Presidensial no Katedral, depois misa ramata tenke blokeia dalan ba iha PN depois kontinua to’o iha Metinaru.
Jornalista : Felicidade Ximenes
Editór : Cancio Ximenes
