Austrália-TL kontinua diskute kona-ba demokrásia iha prosesu eleisaun
DILI, 24 Setembru 2026 (TATOLI)—Komisáriu Eleisaun Austrália (KEA), Jeff Popo, hala’o enkontru ho Primeiru-Ministru, Kay Rala Xanana Gusmão, hodi diskute kona-ba prosesu Timor-Leste harii Sistema demokrásia no prosesu eleisaun iha Timor-Leste
“Ami mós ko’alia kona-ba dezafiu sira-ne’ebé ita hasoru iha mundu liu-liu Austrália no TL no oinsá ita bele servisu hamutuk hodi hasoru dezafiu sira ne’e,” Komisáriu Eleisaun Austrália, Jeff Popo, hateten, Komisáriu ne’e relata ba jornalista sira iha Palásiu Governu, ohin.
Nia hatutan, dezafiu balun ne’ebé Austrália no TL hasoru hanesan mak dezinformasaun sira liuliu iha tempu eleisaun nomós tanba agora tempu teknolojia Artifisiál Intelijénsia (AI) dala barak fó impaktu negativu mós.
“Daudaun ne’e iha servisu balun ne’ebé ami hala’o hela iha Austrália maibé ami bele apoia Timor-Leste liuliu iha área edukasaun, literasia ba iha mídia liuliu oinsá atu utiliza teknolojia ka AI ho responsável. No, iha edukasaun durante iha eleisaun oinsá hato’o informasaun loloos no mídia iha papel ne’ebé importante”, tenik nia.
Jornalista : Alexandra da Costa
Editór : Cancio Ximene
